340 S. FIDEI NEOGRANATEN.

magnam erga me benevolentiam qua me indignum sacerdotem, nullis meis meritis, sed Dei gratia et sola Sanctae Sedis Apo- stolicae consueta dignatione, primo Summus Pontifex Pius IX, felicis recordationis, cum Sanctae Ecclesiae Catholicae Prin- cipibus collocare dignatus est, ad sublimem Dignitatem Epi- scopalem Maximopolitan. evectum, anno 1876, ad hoc, ut Sanctae Fidei Bogotensi Archiepiscopatui Auxiliaris forem, et Sacrae Congregationis Consistorialis Decreti privilegii eidem Archiepiscopatui a Pontifice Maximo Gregorio XVI concessi, anno 1833, et meae institutionis Episcopalis Bullae virtute ; et « amplioris gratiae favore prosequi volens » Tutemet ipse, Sanctissime Pater Leo XIII , singulari Dei munere, Papa regnans, eiusdem Archidioeceseos Bogotensis Ecclesiae Cathedralis Decanatum mihi etiam conferre postea similiter dignatus fuisti, anno 1883.

« His omnibus de causis, exposito iure meo, tuo proprio iussu verbali, Maxime Catholicae Ecclesiae Hierarcha, omnis- que iuris legitimi Custos Sublimis, protectionem a te humi- liter ex iustitia peto :

« 1. Ut detur mihi congrua episcopalis tot annis - a die 19 Martii anni 1881 hucusque- , sine causa retenta, non obstantibus meis reclamationibus ultra modum prudentibus, et indigentia mea omnibus nota.

2. Ut singulis mensibus mihi tamquam Archiepiscopatus de Bogotá Episcopo Auxiliari tribuatur in posterum congrua episcopalis dicto Bogotensi Auxiliaratui a Concilii Provin- cialis Columbiae Patribus unanimiter « iam attributa », mi- hique a Summo Pontifice Pio IX benigniter assignata tenore Litterarum Apostolicarum, quas exhibui; ut « meae digni- tatis splendorem « ea qua par est decentia tueri valeam », sicut sapientissime ait Decretum Consistoriale. »

Quibus animadversis, propositum fuit diluendum

Dubium

An morte Archiepiscopi Arbealez , Episcopus Titularis Maximopolitanus Auxiliaris munus amiserit in casu.