BARCINONEN. 345

mulieris, iuramento firmatum et matronarum declaratione confirmatum, a fortiori admittenda est, in causa praesenti, existentia inconsummationis, admissae non tantum a muliere et matronis, sed et ab ipso viro. Igitur valet in casu, et a fortiori, conclusio capitis Proposuisti, de probation., in quo Gregorius VIII dixit : « Mulier proposuit, se nec a viro co- gnitam, nec potuisse cognosci : quod tam proprio iuramento, quam testimonio septem mulierum probavit, quae per aspe- ctum corporis eam esse virginem asseverant, viro autem per iuramentum suum contrarium asserente : videtur igitur nobis, quod iuramento puellae et testimonio illarum septem mulie- rum fides est potius adhibenda ».

Veracitatem et credibilitatem obstetricum et medicorum ad inspectionem mulieris adhibitorum confirmat ipse Defensor sacri vinculi dicens : ex testimoniis fide dignis constare lau- datas personas esse competenti e di conosciuta probità.

Neque opponi potest serotina reclamatio seu cohabitatio sponsorum per sex menses, cuius virtute negandam dicunt audientiam sero reclamanti ex praescripto Cap. Accepistis d.e frig. et malef., in quo legitur: « Illa autem si prior per annum, aut dimidium, ad Episcopum, aut per eius Missum proclamaverit, dicens, quod non cognovisses eam, tu autem contrarium affirmas, tibi credendum est , eo quod caput es mulieris: quia si proclamare voluit, cur tamdiu tacuit? Cito enim et in parvo tempore scire potuit, si secum coire po- tuisses ». Nam in eodem capite serotina reclamatio admit- titur quando ipse vir inconsummationem confitetur concor- dans cum testimonio mulieris, ut in casu nostro. Dicitur enim : « Accepisti mulierem, et per aliquod tempus habuisti, per mensem aut per tres, aut per annum : et nunc primum dixisti, te esse frigidae naturae, ita ut non potuisses coire cum illa, nec cum aliqua alia : si illa quae uxor tua esse debuit, eadem affirmat, quae tu dicis, et probari potest per verum iudicium, ita esse ut dicitis, separari potestis ». Imo etiam, negante viro inconsummationem, audienda est mulier sero reclamans, quoties certis signis probare potest vel im-