BARCINONEN. 347

Igitur , non obstantibus declarationibus novissimorum peritorum, Davalos scilicet et Subirà, omnia rerum adiuncta et totius causae complexus facile suadent valde dubiam fuisse et esse potentiam viri saltem relativam. Imo, ni fallor, ha- bentur in casu omnes illae circumstantiae, tum iuris, tum facti, quae praesumptionem impotentiae canonice confirmant. Quae omnia existentiam inconsummationis luce meridiana clariorem exhibere videntur, omneque rationabile dubium e medio tollere.

Dato et vix concesso quod signa impotentiae viri sint tantum dubia et meram praesumptionem inconsummationis exhibentia, ad impediendam solutionem causae opponi posset, lex de triennali experimento , praesertim cum constet mu- lierem huiusmodi impotentiam allegare. Tamen haud con- trarium menti legis videtur respondere, huiusmodi experi- mentum proprie requiri quando causa procedit per viam iustitiae seu declarationis nullitatis, non autem, saltem ita rigorose, quando agitur de gratiosa dispensatione : imo, dato quod etiam in via gratiosa triennalis cohabitatio de rigore iuris necessaria foret, tamen quando talia sunt rerum ad- iuncta ut nulla spes habeatur consummationis, quando ex tentaminibus consummationis mulier gravissimum patitur incommodum eiusque valetudo graviter periclitatur, quando sponsi absque ulla reconciliationis probabilitate separati per- manent simulque notitia conditionis infaustarum nuptiarum vulgata existi t , quae omnia locum habent in causa prae- senti , tunc , ni fallor, triennale experimentum non solum haud necessarium dici potest, sed potius periculosum haberi debet minimeque urgendum. Ceterum, quidquid a Doctoribus speculative dicatur, in casu praesenti, in quo omnino pro- ceditur per viam gratiosam, conditiones sponsorum sunt specialissimae, et rerum adiuncta impotentiam suadent : ergo, ex benigna Summi Pontificis dignatione, omitti potest trien- nale experimentum absque ulla legis vulneratione, absque extraordinaria legis dispensatione proprie dicta. Denique hodie in praxi experimentum triennale vix urgetur in via