354 INSTRUCTIO

tionibus gradus consanguinitatis vel affinitatis clarius valeat deter- minari. Non levi fundamento huic rei esse potest etiam publica fama, de qua ratio erit habenda; eius tamen sedulo consideranda erit origo et rationes , quibus innititur. Ceterum iudex semper- prae oculis habeat, his quaestionibus dirimendis praecipuum fun- damentum praebere documenta authentica, et numquam licere con- tra, eadem iudicare, nisi ex certis et evidentibus argumentis consti- terit, ipsa vitiosa aut falsa esse. Ac proinde locorum Ordinarii se- dulo curabunt, ut libri baptizatorum, confirmatorum, et matrimonio copulatorum, nec non defunctorum a parochis diligentissime exa- rentur, et accurate custodiantur.

ARTICULUS SECUNDUS

De impedimento publicae honestatis.

31. Quoties aliquod matrimonium impugnatur ob impedimen- tum, quod publicae honestatis nominatur, in primis accurate sta- tuendum erit, utrum illud originem duxerit ex matrimonio simpli- citer rato, an ex sponsalibus. (1)

In priori casu ad impedimentum adstruendum proferantur do- cumenta matrimonii praecedentis celebrationem comprobanda, quae documenta facile suppeditabunt vel libri matrimoniorum a parocho servandi, si matrimonium coram Ec'clesia fuerit celebratum ; vel regesta existentia penes ministros haereticos sive schismaticos , si apud eos matrimonium contractum affirmetur. Quamvis documenta vel a sola civili potestate, vel ab haereticis aut schismaticis, ma- nantia, vim habere possint aliquando ad factum de matrimonio ce- lebrato extraiudicialiter confirmandum, tamen iudex catholicus, qui de existentia vel de non existentia impedimenti sententiam laturus erit, curabit ut in iudicium compareant partes, testes qui matri- monii celebrationi interfuerunt, propinqui eorum, qui contraxerunt,

(1) Ante Conc. Trid. impedimentum

publicae honestatis oriebatur ex quibus-

vis sponsalibus de futuro et praesenti,

etiam invalidis (dummodo invalida non

essent ex defectu consensus) textu ex-

presso C. un. de Sponsdl. et matrim,

in 6; et matrimonium usque ad quartum

gradum inclusive dirimebat. Post Conc.

Trid. firmo remanente iure antiquo quoad

impedimentum ex matrimonio raio, non-

dum consummato, ortum ; quoad sponsa-

lia de futuro s. Synodus decrevit, dictum

impedimentum ex sponsalibus quacum-

que ratione invalidis non amplius oriri.

Ex validis autem consurgens primum

gradum non excedere statuit in Sess.

XXIV Cap. 3-de Ref. Matrim.