354 MONTIS ALTI

chus percipiat tantum quotam partem duplo maiorem ea quae singulis praebendatis adscribitur. Quod si una ex praebendis

# vacet, habetur tunc, relate ad decimas, ius accrescendi inter praesentes, et in partibus aequalibus.

« 3. Adsunt alia onera Missarum, quibus statis temporibus parochus cum praebendatis satisfacit sive per turnum, sive in eadem mensura.

« 4. Parochus primus esse debet in infirmis adsistendis ; ei tapien in hoc munere succedunt ex ordine praebendati, ita ut non raro contingat, ut qui ultimum occupat locum per longum tempus hoc onere non gravetur. - Et hoc abunde eruitur ex libris parochialibus, qui testantur, singulos prae- bendatos infirmis sacramenta persaepe ministrasse. Imo nonnunquam in iis relatum legitur, parochum eidem infirmo Viaticum detulisse; unum ex praebendatis extremam unctio- nem exhibuisse, et alium eius morti adstitisse. Ex iisdem vero libris apparet praebendatos ita se gessisse nedum dum paroecia proprium parochum habebat, sed etiam quum ipsa regebatur ab oeconomo curato.

« 5. Parochus suppletur a praebendatis in administra- tione Sacramentorum cum ipse sit impeditus et omnes complent solemniores functiones ecclesiasticas. Hinc, ex. gr., absente parocho, praebendati ministrant baptismum et cetera sacra- menta , excepto matrimonio ; assumunt stolam pro parocho in funeribus, processionibus etc.

« 6. Singulis, diebus festis de praecepto cum habeantur duae missae, quarum una primo mane, altera circa meridiem celebratur, singuli praebendati per turnum debent celebrare primam si parochus alteram , et ultimam si parochus pri- mam celebret.

« Quibus positis facili negotio, si quid opinor, dispicitur cuius naturae singulae praebendae sint censendae. Si enim onera et iura praedicta magna ex parte parochialia sint, etiam singula beneficia parochialia et ideo minime simplicia censeri debent. Quod adeo verum est , ut etiam tribunal laicum, nonnullis retro annis, iudicaverit non posse unam