Acta Pii PP. XI 357

datum, Missionariorum eorundem inst i tu tum laudasse et commendasse; . / » 7

dein per aliud ipsius Romanae Congregationis decretum, die x x n i mensis

ianuarii anno MDCCCLXVI editum, ins t i tu tum illiusque constitutiones 5 ad

decennium per modum experimenti adprobatione affecisse. Constitutiones

vero, quas supra diximus, per decretum similiter Congregationis Roma-

nae super enunciatae, nondum elapso decennii spatio, die II mensis maii

anno MDCCCLXX definitive confirmatae, ac novissimis bisce diebus ad iuris

canonici Codicem conformatae a tque in nonnullis ex voto generalis capi-

tuli immutatae , novo pontificio consensu, per Congregationis Religiosorum

decretum diei x n i mensis maii vertentis anni, honestatae fuere. Verum

cum hoc ipso die septuagesimus quintus feliciter exeat annus, ex quo

religiosae familiae eiusdem to t tant isque meritis insignis prima funda-

menta posita sunt, nihil est Nobis magis gra tum quam eidem luculentum

Nostrae voluntatis pignus exhibere; idque eo libentius facimus cum ex

auspicato contigerit, ut Kalendis Iuniis huius anni, hac Alma in Urbe

Nostra, a Nobis rite prius benedictus, per venerabilem fratrem Nostrum

Basilium S. R. E. Cardinalem Pompilj , Vicarium Nostrum, sit terrae pri-

mus lapis depositus erigendi Templi votivi internationalis, quod Nostris

sub auspiciis in suburbana regione, quam nuncupant dei Parioli, proxime

surget, perenne Missionariorum Immaculat i Cordis Beatae Mariae Virginis

studii fideique monumentum. Audito propterea dilecto filio Nostro Camillo

Diacono Sanctae Mariae Scalaris S. B. E. Cardinali Laurenti , sacrae

Congregationi pro religiosorum sodalium negotiis praeposito, motu proprio

a tque ex certa scientia et ma tu ra deliberatione Nostris, deque aposto-

licae Nostrae potestatis plenitudine, praesentium Lit terarum tenore, per-

petuumque in modum, Congregationem seu Ins t i tu tum Missionariorum

Filiorum Immaculat i Cordis Beatae Mariae Virginis plenissime adprobamus,

illiusque constitutionibus supremum apostolicae sanctionis robur adiicimus.

Haec statuimus, decernentes praesentes Litteras firmas, validas a tque

efficaces semper exstare ac permanere, suosque plenos atque integros

effectus sortiri et obtinere, ipsique Congregationi eiusque Missionariis

praesentibus et futuris nunc et in posterum amplissime suffragari; sicque

rite iudicandum esse ac definiendum, irr i tumque ex nunc et inane fieri

si quidquam secus super his, a quovis, auctori tate qualibet, a t tentar i con-

tigerit. Non obstantibus Constitutionibus et ordinationibus Apostolicis

ceterisque in contrarium facientibus quibuscumque.

Da tum Romae apud Sanctum Pet rum, sub anulo Piscatoris, die x vi

mensis iulii, anno MDCCCCXXIV, Pontificatus Nostri tertio.

P . CARD. GASPARRI, a Secretis Status.