EX S. C. E P . ET REGUL. 363

omnes , at neminem valde familiariter tractent. Prohibeant, omnino ne nomen dent Circulis aut aliis quomodocumque vo- catis consortiis politicae vel contentiosae indolis; nec u m q u a m adsint convocatis fortasse studentium coetibus, quorum finis aut propositum sit adversus Moderatores vel Professores con- queri sive quomodocumque protestari.

XIII. Episcopi Sedem habentes in civitatibus Universitatum curent Circulos sive Sacerdotes studentium ecclesiasticorum peramanter fovere ubi existunt, sollicite fundare ubi deside- rantur. Adhibeant ad hoc operam Sacerdotum sive saecularium, sive regularium, quos magis idoneos iudicaverint; quorum unus saltem Assistentis ecclesiastici munere fungatur. Huius Assi- stentis erit studentium conventus indicere, eisque praesidere. In his conventibus, studentes ecclesiastici semotis politicis con- tentionibus et partium studiis, de humanioribus litteris, de hi- storicis disciplinis, de philosophicis vel theologicis thesibus, disserant, decertent vel legant. Nec omittant pias quasdam pre- ces simul omnes fundere, aliosque opportunos religionis ac pietatis actus, statis diebus implendos, constituere: ita ut in his consociationibus laudabilis aemulatio, fraterna charitas, et chri- stiana pietas régnent. In hos ecclesiasticorum Circulos admitti etiam poterunt, caute tamen et approbante Assistente eccle- siastico, studentes saeculares : at ii tantum qui sentiendi aeque atque agendi ratione bene audiant, religione, pietate et optimis moribus commendentur.

XIV. Episcopi et Superiores religiosi suos quisque studentes enixe hortentur ut in sanctae vocationis spiritu firmiter perse- verent. Ad quem finem mediis omnibus efficacioribus alacriter utantur, oratione scilicet, Sacramentorum frequentia, piorum actuum exercitio, vanitatum despectu, maiorum et etiam desi- diosorum hominum fuga. Religiosis praesertim studentibus com- mendanda est fidelitas in actibus observantiae, qui eorum statui consentanei sunt, videlicet: singulis diebus mentalis oratio, ex- amen conscientiae, lectio spiritualis, silentium et recessus.

Annualium vacationum tempore studentes religiosi redeant omnino ad suum Conventum vel ad Domum religiosam sui Instituti; ibiqui regularis observantiae actus cum Communitate résumant. Omnes studentes, e clero sive saeculari, sive regu- lari, dictarum vacationum tempore vacent sanctis spiritualibus Exercitiis.