364 V I E N N E N .

quae pro consummatione allegantur; qui autem matrimonium consummatum fuisse asserit, onus habet positive demonstrandi sententiam suam excludendo omnes alias hypotheses, quae adduci possent ad mulieris defiorationem excludendam. Ex adverso quando prima agitatur quaestio, qui negativam sen- tentiam tuetur eo usque victor existet, quousque minima etiam probabilitas suffragetur mulieris corruptioni; qui vero positivam sententiam defendit, omne punctum non antea feret quam evidentibus rationibus factum carnalis concubitus excluserit. Porro in imploranda a s. Sede dispensatione a matrimonio rato et non consummato, ille qui supremae huius potestatis usum postulat, non negare simpliciter debet ma- trimonium fuisse consummatum, neque argumenta tantum proferre ex quibus probabilis aut etiam probabilior, vel si vis probabilissima arguatur inconsummatio matrimonii, sed concludentissimas rationes afferre debet, ex quibus certo certius liqueat copulam maritalem nullatenus obtinuisse. Favor enim matrimonii, immo iuris divini reverentia omnino exigit, ut non secus adhibeatur pontificia potestas quam ubi de integritate mulieris dubitare non licet: si quae enim sus- picio aut dubitatio adsit in contrarium, quantacumque sit probabilitas quae mulieris virginitati favet, tutior semper pars est eligenda. Hinc factum est, ut quoties S. O. C. in causis matrimonialibus huiusmodi deprehendit simplicem etiam possibilitatem quod copula reapse accidisset, firmissime ob- stiterit supplicandum precibus et dispensationem negandam censuerit, ut videre est in Wormatien. matrimonii 23 Ian. 1634, Hispalen. 14 Mar. 1738, Chien. 15 Bec. 1792.

Posita hac doctrina, ait, si quaestio esset an Ioanna de- florata vere fuerit, concederet et ipse in favorem Ioannae validissimum esse votum cognitoris, qui pluries fassus est corruptionem Ioannae certo asseri non posse; et optime posse explicari alterationes quae in eius genitalibus occurrunt sive ex ingenito defectu,' sive alia superveniente causa distincta ab opere maritali. At quaestio non haec, sed alia est, scilicet an certe Ioanna deflorata non fuerit; cui quaestioni respondit