369. De sancto Maudeto.
Ad Vesperas.

1. Maudetus sacer, inclitus,

Natus ex Hibernia,
Regia puer genitus

Illustri prosapia,
Decimatus mox ut natus

Infans ab infantia.
2. Maudeti per solemnia

Laxa, Christe, debita
Et gregem tuum visita

Pietate solita,
Perennis reddatur vita

In coelesti gloria.

3. Maudeto coetus caecorum

It obviam, properat,

Lumen recidit oculorum,

Quovis morbo liberat,

Chorum sanat infirmorum

Et dolores temperat.

4. Maudetum tota gentium

Plebs laudat Hiberniae,
Pressum ferro consortium

Vincla solvit patriae,
Omnium coetus gentium

Sanat dono gratiae.
5. Maudete, pater inclite,

Opem nobis porrige,
Sancte doctor egregie,

Mala nostra corrige,
Coelestis regni patriae

Nos in viam dirige.
6. Maudeto intercedente,

Rex, succurre miseris,
Pia matre deprecante

Serva nos ab inferis,
Te donante, concedente

Locet nos cum superis.

7. Gloria et honor Deo
Usquequo altissimo,

Una patri filioque,
Inclito paraclito,

Cui laus est et potestas
Per aeterna saecula.