PARISIEN. 369

Acta, Tom. XXXI. fase. CCCLXVI. 24

addit, Genovefa annis matrimonium praecedentibus non pote- rat personale domicilium habere, cum nuptiarum momento vix maiorem aetatem attigisset.

Non minus evidens est, contendit orator, Genovefam nec quasi domicilium habuisse in parochia S. Philippi. At- que in primis recolit, quod ad quasi domicilium contrahen- dum, auctoritate S. Officii et S. C. C, requiritur factum commorationis cum intentione ibidem manendi per maiorem anni partem, idest ultra semestre. Praeposito hoc princi- pio, orator quaerit, utrum tempore matrimonii, Genovefa habuerit necne huiusmodi quasi domicilium.

Revera controversia versari potest circa domum rue Frédéric Bastiat 10, et circa domum Faubourg St. Bono- ré 130, quarum utraque in parochia S. Philippi reperitur; quandoquidem alias parochiae domos, nec Genovefa nec eius- dem soror unquam coluerunt. Et quod attinet ad domum rue Frédéric Bastiat 10, annis matrimonium praecedenti- bus, conceditur, Genovefam ibi aliquando commoratam esse apud sororem. « J'y avais passé quelque temps les années précédents, pendant que ma soeur y habitait ». Sed, pergit orator, quisque videt, quantum distet « passer quelque temps » ab animo permanendi ultra semestre in aliquo loco. - In- super Genovefa quo modo Parisios ventitabat, eodem et con- festim discedere poterat. Nam prae oculis habendum est, agi de puellula, cuius pater, extra urbem morabatur « St. Ni- colas aux Boix », penes quem ipsa domicilium habebat, et cuius ex arbitrio pendebat; aliis verbis agi de puellula quae animum manendi ultra semestre nullimode habere pot- erat, quae reapse, annis matrimonium praecedentibus, num- quam per semestre rue Frédéric Bastiat commorata est « j ' y ai passé quelque temps », quaeque tandem Parisios venit « d'une manière plus fixe », cum soror iam a longissimo tempore illam domum reliquerat. Deest igitur, iuxta ora- torem ad conficiendum quasi-domicilium elementum mate- riale, tempus; deest elementum morale, animus. Ulterius Genovefa per id temporis, ut semper, Parisios venire con-