371

ORD. PRAEDICATORUM. Confirmatio Const i tu t ionum pro facul ta te iur i s canonic i .

Quum Rmus Fr. Magister Generalis Ordinis Praedicatorum constitutiones conditas pro facultate Iuris Canonici nuperrime instituta in Collegio Philosophico Theologico Divi Thomae Aqui- natis de Urbe exhibuerit, postulans ut auctoritate pontificia confirmarentur; Sacra haec studiorum Congregatio utendo fa- cultatibus a Sanctissimo Domino Nostro Leone Papa XIII tri- butis, eas approbandas atque confirmandas censuit, prouti hoc decreto approbat atque confirmat. Quocirca praedictae Facultati Iuris Canonici uti liceat praefatis Constitutionibus huic Decreto adnexis, quarum exemplar in tabulario S. Congregationis as- servatur, et frui quoque iuribus ac privilegiis quae in illis con- tinentur, dummodo religiose serventur. Contrariis quibuscum- que non obstantibus.

Datum Romae die x mensis iulii M D C C C X C V I .

C. C A R D . MAZZELLA Praef.

I O S E P H M A G N O a Secret.

STATUTA Pontificiae F a c u l t a t i s iur is canonici in Collegio S. Thomae Aquinat is

Romae sub Pat rum Ordinis Praedica torum Regimine e r ec t ae .

C A P U T I .

De Facultatis erectione et membris.

I. Penes Collegium S. Thomae Aquinatis Romae sub Patrum Ordinis Praedicatorum regimine, auctoritate pontificia erigitur et canonice instituitur Facultas iuris Canonici cum privilegio Apostolico gradus omnes academicos conferendi clericis, sive propriis sive externis, qui eius scholas rite celebraverint.

II. Praeses facultatis est Magister Ordinis Generalis pro tem- pore, cuius curis tota Facultas committitur: ipsi ius esto et mu- nus Professores eligere, alumnos recipere, conventus Facul- tatis convocare eisque praeesse , programmata studiorum et examinum approbare, examinibus praeesse et suffragium ferre,

EX S. CONGREGATIONE STUDIORUM