EX S. G. STUDIORUM 373

ctores et Magistri renuncian iure debeant; enixe hortandi sunt Professores omnes, ut ampliori et profundiori, qua fieri poterit, ratione, materiae pertractentur et genuina in fontibus hauriatur doctr ina, subsidio haud omisso melioris notae auctorum sive veterum sive recent iorum, qui solide et altius ius canonicum interpretati fuerint.

IX. Liber instituendus a Praefecto studiorum est, in quo alumni omnes inscribi quotannis debent: eorumque adnotanda nomina et Dioeceses, nec non cursus, quem sequi quisque optet.

X. Nemo ad Facultatis cursus recipiatur qui theologiae stu- dia adhuc non absolverit.

XI. Qui studiis Institutionum in alia Universitate vel in ali- quo Seminario, in quo constet eas rite tradi, vacaverit quin baccalaureatus gradum receperit, poterit in Facultatis secundum cursum recipi : sed districtum ab eo subeundum erit examen de universa materia Institutionum iuris publici et privati ut baccalaureatus gradum adipiscatur.

XII. Nulla dabitur dispensatio super obligatione scholas Fa- cultatis celebrandi in secundo et tertio anno, quibus textus ca- nonicus explicatur. Qui tamen licentiae gradum iam penes aliam Universitatem adeptus sit, poterit in tertium Facultatis cursum adscisci.

XIII. Schedula receptionis unicuique alumno danda est, in qua frequentia, diligentia et profectus adnotentur a professoribus per bimestrem. De his accurata habebitur ratio, cum alumni ad examina erunt admittendi.

XIV. Elapso mense novembri nemo recipi ex alumnis po- terit, nisi ex Generalis dispensatione, quae per probatas causas et Ordinarii proprii commendatione tantum concedi poterit, au- ditis studiorum Regente et Professoribus.

C A P U T III.

De Studiorum ratione.

XV. Facultatis cursus triennio absolvuntur. Primo anno va- cátur Institutionibus iuris ecclesiastici, sive publici sive privati, atque hic cursus, si oportere iudicabitur, institui etiam potest in tertio anno theologiae. Secundo et tertio anno explicatur te- xtus canonicus.