EX S. C. STUDIORUM 375

Eas omnes exponere et defendere paratus sit candidatus coram tribus Professoribus vel Doctoribus; examen ad semihoram sal- tem protrahatur.

XXIII. Pro licentiae gradu item sexaginta proponantur tituli materiae per annum traditae ex quibus argumenta examinis ad libitum capient tres Professores vel Doctores: experimentum saltem ad tres horae quadrantes protrahi debet.

XXIV. Ad doctoratus gradum obtinendum candidatus para- tus sit omnes materias exponere ac defendere quae primo, se- cundo et tertio anno traditae sunt. Examen tamen pro laurea scriptum erit et orale. Ex centum thesibus et titulis tres sortian- tur, ex. quibus eliget quem maluerit candidatus ut dissertationem latine conscribat sex horarum spatio absque libri vel scripti subsidio, (corpus iuris et Conc. Trid. et Vatic, permittuntur) in loco expresse designato uno adstante Professore vel alio a Prae- side deputando.

Dissertatio trium Doctorum iudicio subiicietur, quorum ap- probatio pluralitate suffragiorum necessaria est, ut candidatus ad orale experimentum admittatur.

Orale experimentum fiet coram quatuor saltem Doctoribus, quibus integrum erit quamlibet ex centum thesibus eligere, ita tamen ne singuli eamdem eligant. Ad horam integram saltem examen orale pro laurea protrahatur oportet. Qui pluralitatem votorum adeptus fuerit approbatus censetur.

XXV. Quibus experimentum male cesserit, facultas fit post sex menses ad examen redeundi, quod si tum etiam non pro- bentur, spes alterius experimenti in posterius eis nulla s i t

XXVI. De peritia eorum, qui lauream aliosque gradus po- stulant, non remisse cognoscant Examinatores, ne huiusmodi experimenta ad simplicem speciem reducantur. Et de his con- scientia oneratur sive examinatorum, sive Regentis studiorum, sive Praesidis ipsius.

XXVII. Nemini per saltum fas sit gradus adipisci, sed qui ad licentiam contendit iam baccalaureatu; qui ad lauream, li- centiae gradu iam insignitus sit oportet.

XXVIII. Examinum, superato periculo, diplomata pro singulis gradibus candidatis conferantur, quae, praeter Facultatis sigillum, Praesidis et Regentis studiorum subscriptione muniri debent. Omnes tamen candidati professionem fidei prius emittant ne- cesse est a Pio IV et IX praescriptam. Diplomata pro bacca-