376 INSTRUCTIO

salva conscientia acquieseéndum non putet, quia sibi vel manifeste iniusta vel aliunde invalida videatur, re tota ad s. Sedem delata, interim firma remaneat utrique coniugi prohibitio ad alias trans- eundi nuptias.

PARS ALTERA

De regul is servandis in tractandis caussis matr imonia l ibus in specie.

Praeter hactenus recensitas regulas, in omnibus caussis matri- monialibus generatim servandas ut iuridica illis stet validitas, quaedam etiam speciales prae oculis habendae sunt iuxta peculiarem impedimentorum naturam et indolem quae iudicio occasionem prae- buerunt. Quare de his singulis, saltem quae frequentius occurrere solent, aliqua speciatim animadvertenda sunt.

ARTICULUS I.

DE IMPEDIMENTIS COGNATIONIS CARNALIS,

VEL SPIRITUALIS, ET AFFINITATIS.

§. 31. Si matrimonium impugnetur ob assertum impedimentum cogna-

tionis carnalis aut spiritualis, vel affinitatis , facile erit eiusdem existentiam detegere ope authenticorum documentorum. Etenim co- gnatio carnalis, et etiam affinitas, quae ex praecedenti matrimonio processerit, dignoscuntur ex arbore genealogica utriusque familiae, conficienda ex regestis matrimoniorum, et ex libris etiam baptiza- torum, in quibus notata esse debent nomina non modo coniugum , et eorum qui baptizati sunt, sed horum etiam parentum. Similiter ex libris baptizatorum et cofirmatorum aperte eruitur cognatio spi- ritualis, quia in illis una cum eorum qui baptizati vel confirmati fuerunt, nomina quoque recensita esse debent sive patrinorum sive matrinarum. Talia documenta in forma authentica ex dictis libris erunt haurienda opera parochorum vel curiae, una cum testimonio de eorum identitate cum respectivis particulis in libris extantibus; imo si a parocho testimonium datum fuerit, opus erit ut eiusdem parochi obsignatio a Curia episcopali authentica declaretur.

§. 32. Quod si aliquod oriatur dubium circa documenta praedicta vel

circa eorum veritatem, in iudicium vocandi erunt et iuridice exa-