EX S. G. RITUUM 577

pietatem charitatemve saperet atque in eiusmodi operibus sese exercebat praesertim postquam confirmationis sacramento ro- borata et angelorum pane refecta fuit. Adhuc adolescentula gravi morbo tentata auditum omnesque corporis vires amisit quas ta- men paulo post cum audiendi sensu, Deo auxiliante, recuperava. Exinde severiorem vitae rationem sibi constituit, ad hanc etiam excitata a Nicola de Ligera, cognata sua, singularis pietatis et sobrietatis foemina, necnon ab ecclesiastico viro super christiana temperantia et contra mulierum luxum concionante. Perfectioris vitae desiderio flagrans, simulque Patrum societatis Iesu prae- clara exempla, quae a prima aetate ante oculos semper habue- rat, in iuventute pie educanda imitari cupiens, annuente suae conscientiae moderatore, Divione relicta, Dolam petiit, ibique Claudinae Faulquier-Duzin foeminae piissimae diu usa est ho- spitio. Postea puellarum collegio sub disciplina nobilis matronae Susannae Renard et adiutrix et praeposita renunciata fuit, ad- scitis in socias nobilibus piisque foeminis Claudina de Brisset et Isabella Brocard. Ad infirmitatem in quam incidit curandam, imo potius ad severam inquisitionem super consilio suscepto subeundam, iussu patris Divionem régressa, ipsa suam causam ita defendit ut probantibus theologis atque annuentibus paren- tibus dimissa fuerit cum plena libertate supernae vocationis se- quendae. Victr ix igitur ac novis refecta viribus Dolam reversa, Deo opitulante, maximas inter adversitates novam instituit so- dalitatem religiosam ad puellas litterarum elementis christianis- que moribus informandas, nomen atque leges mutuata ex Con- gregatione S. Ursulae, quam Angela Mericia sanctissima virgo non ita pridem condiderat, paucis tamen sive adiectis sive mu- tatis prout temporum rerumque varia conditio postulare vide- batur. Quae quidem sodalitas per diploma seu Bullam Clemen- tis Papae VIII adprobata atque etiam a civili auctoritate reco- gnita, domum principem satis aptam Dolae aperuit die 16 Iunii anno 1606, ac deinceps pluribus in dioecesibus alia asceteria fundavit. Praefuit Instituto ipsamet famula Dei, provida mater, ceteris praelucens exemplo, donec diuturno morbo consumpta atque extremis Ecclesiae sacramentis munita spiritum Deo red- didit die 8 Iunii anno 1621. Fama sanctitatis qua pia virgo adhuc vivens plurimum valuerat etiam penes Sacrorum Antistites at- que ipsum sanctum Episcopum Franciscum Sa les ium, post obitum ita constanter percrebuit, ut super ea Inquisitioni Ordi-