381

APPENDIX III. EXHIBENS A C T A SEDIS A P O S T . ; Q U A E A U T IAMDIU E X A R A T A S U N T

A U T Q U A E TEMPESTIVO L A T U E R U N T EPHEMERIDUM

MODERATOREM.

-m~><~><~-

S. C. S. Officii 3 Augusti 1858. - Vic. Ap. Honan.

Quoad con t r ac tum emptionis vendi t ionis .

Contractus honanensis sic instituitur. Petrus indigens pecunia adhibet mediatores ut agrum suum vel domum consignet et tradat Paulo in usum et etiam dominium aequivalenter translatum, mediante pretio summae sufficientis, factis et scriptis conditionibus quod, post tres annos, ut ordinarie scribitur, Petrus habiturus sit facultatem recuperandi agrum suum vel domum, si velit; quod si, illo trium annorum spatio trans- acto , non repraesentet sapecas in pretium receptas, ut verbis sinicis utar, Paulus semper et pro semper retineat usquedum sapecae venerint. Aliquando contractus ille aliis verbis sed eodem sensu conscribitur ; sed quomodocumque scribatur , idem est in praxi, propter legem et consuetudinem sine exceptione. Notandum, ut scribit Ligorius, quando agitur de talibus contractibus, non curandum esse de nomine, sed de illorum natura; parvi ergo refert quod contractus noster forte a quodam oppigneraiionis vocatus fuerit propter Synodum Sutchuen. provinciae, probe enim inspecta eius natura, rationem census et venditionis cum pacto redimendi evidenter habet. Duo enim puncta capitalia et essen- tiam eius constituentia mihi certissime existere constat, sive vi et te- nore contractus, sive ex lege , consuetudine, et praxi uniformi, con- scientiaque publica.

Punctum primum. - Ager vel domus ita transit in manus, di- camque, dominium aequivalens dominio quod acquiritur vi contractus et venditionis cum pacto reemendi, ut omnia pericula et onera rei in se sumat. Paulus enim debebit postea solvere tributa tam ordinaria quam extraordinaria, repartitiones necessarias facere iuxta conditiones iustas et consuetudine determinatas, e t , si ager vel domus pereunt sive alluvione, sive inundationibus, terrae motibus, vel incendiis tam frequentibus, aut occupentur ab inimicis, ut nunc quotidie fit a rebel- libus, tunc pereunt pro Paulo, qui suam pecuniam nullo modo recu- perare potest. Hoc est tam clarum atque certum ut, dato casu, sinenses nec cogitant quidem de pecunia repetenda, nec possent quidem lega-