384 APPENDIX III .

applicationis Missae pro populo. - Praenotandum in facto est non leves exortas esse in Belgio praesertim controversias, utrum Missae illius ap- plicatio sit onus personale, ita ut per sacellanos seu vice-parochos impleri non possit. Huic controversiae causam dedit opus in lucem editum a sacerdote Varhoesen qui onus illud personale esse demonstravit tum doctrina S. Alphonsi de Ligorio tum S. huius Ordinis resolutionibus. - Praemittendum etiam est, in facto, iuxta statuta synodalia praesertim mechliniensia, Missam parochialem, quae dicitur summa, cum cantu ex- pleri statis horis, et ad eam concurrere plebem quae pro certo tenet eam Missam pro se applicari. Ex his factum est ut parochi sive ob legitimum impedimentum, sive etiam absque iusta causa, Missae illius celebrationem et applicationem pro populo sacellanis suis committere consueverint. Nec praetereundum est Vicarium Apostolicum Oratorem, de hac re consultum, responsum dedisse non posse parocho absque iusta causa per sacellanos applicare Missam pro populo. Ex his factum est ut quamplurimae excitarentur controversiae utrum onus revera sit per- sonale, et quae esse possit iusta causa ut per alium adimpleatur. Haec erant EE. VV. patefacienda ut verba concessionis librare possint; agitur enim de rescripto quod firmat regulam praesertim in iis ditionibus.

R. Sacra Congregatio Emorum S. R. E. Cardinalium Concilii Tri- dentini Interpretum censuit rescribendum : - Pro facultate indulgendi parochis Vicariatus ut per sacellanos Missam pro populo applicare pos- sint in casibus verae necessitatis, et dummodo ex canonica causa fiat, facto verbo cum SSmo. Factaque de praemissis per Subsecretarium S. Congregationis... relatione SSmo Domino Nostro, eadem Sanctitas Sua resolutionem Sacrae Congregationis in omnibus benigne approbavit et confirmavit. Proptereaque eadem Sacra Congregatio supradictam fa- cultatem, superius descriptae resolutionis forma ac tenore in omnibus et per omnia adamussim servatis, memorato Vicario Apostolico benigne impertita est.