VASTEN. 395

illos praesertim qui eamdem incolebant domum huiusmodi importunitatem latuisse. Unde censet patrem quidem volun- tatem suam quoad nuptias a filia ineundas, ut eiusdem bono prospiceret firmiter manifestasse, at, ipso fatente, limites suasionis parentibus licitae non excessisse.

His autem prae oculis habitis, haud putat magnam diffi- cultatem desumi posse ex iis quae mater Mariae Florentiae et testis Aloisia Impicciatore coram iudice deposuerunt. Prae- terquamquod enim ex plurium attestatione patet, quod spon- sae mater contra votum ceterorum ex familia, matrimonium filiae cum Cericola aegre ferebat, et Aloisia Impicciatore ex auditu Berenicis sororis sponsae loquitur, animadvertendum est eorum verba gravitatem metus nullimode adstruere, sed ad summum aversionem quamdam Mariae Florentiae erga propositas nuptias evincere, quae a coacto consensu pluri- mum differt. Ceterum si haec et alia quae arguere fas esset ex amore quo Maria Florentia prosequebatur Antonium Di Matteo, cum quo civiliter deinde iuncta est, dubium adhuc suppeditare viderentur, perpendendum est matrimonium in possessione esse ac proinde illius validitatem tenendam esse, « nisi evidentes rationes eiusdem nullitatem demonstrave- rint ». (Instr. S. C. de Prop. art. III, n. 40). Quibus prae- notatis, opinatur primae quaestioni respondendum esse: Non constare de nullitate matrimonii, vel, si magis Iubet: Pro- videbitur in secundo.

Gradum faciens ad alterum controversiae punctum, re- colit quod alioquin vulgatum est in iure, pro dispensatione super rato obtinenda, duo esse demonstranda, videlicet ma- trimonium mansisse inconsummatum et causas adesse quae Supremum Principem ad gratiam concedendam movere va- leant. Verum relate ad inconsummationem, cum in themate physica argumenta ex corporis mulieris exploratione deducta praesto esse nequeant, intrant ea quae docet Sánchez De matr. lib. 2, disp. 23, n. 1 - ibi - « Si sponsa non erat virgo nec sponsi domum traducta fuit, adhibetur illorum iura- mento fides, cum ex aspectu probatio haberi nequeat ».