398 EX ACTIS CONSISTORIALIBUS

princeps, venerabilem fratrem Iosephum Emmanuelem Thomas , Episcopum Seerthensem, in locum demortui suffragiis de more latis subroga vere. De re tota litteras dederunt ad Nos Episcopi suffragatores : itemque dedit Patriarcha electus, adiecta fidei ca- tholicae suique in Romanam Apostolicam Ecclesiam obsequii professione. Quibus eisdem litteris cum i s , tum illi postulant ut electionem confirmare, sacrique Pallii honorem electo decer- nere auctoritate apostolica velimus.

Iamvero venerabilis fratris Iosephi Emmanuelis Thomas virtus multiplex in muneribus eluxit ad hanc usque diem in- tegre gestis, praesertim vero in episcopatu Seerthensi , quem non paucos annos naviter ac prudenter administra vit. Ratio igitur erat cur confideremus, altiore in gradu positum de Ec- clesia posse ac de communi animorum salute magis etiam, quam antea, mereri. Quamobrem ad Sacrum Consilium Nostrum fidei christianae propagandae, negotiis Orientalium Ecclesiarum prae- positum, caussam reiecimus, deque ipsius sacri Consilii sen- tentia Venerabilem Fratrem supra dictum in Patriarcham Ba- bylonensem Chaldaeorum confirmandum, eique Pallium de beati Petri corpore sumptum hodie concedendum censuimus. Itaque auctoritate omnipotentis Dei, Sanctorum Apostolorum Petri et Pauli ac Nostra confirmamus et approbamus electionem seu postulationem a Venerabilibus Fratribus chaldaici ritus factam de persona Venerabilis Fratris Iosephi Emmanuelis Thomas , eum praeficientes in Patriarcham et Pastorem Ecclesiae Baby- lonensis Chaldaeorum, prout in decreto et schedula Consisto- rialibus exprimetur: contrariis quibuscumque non obstantibus. In nomine Patris f& et Filii >$¡ et Spiritus f& Sancti. Amen.

LEO PP. XI I I .

Sanctissimus Pater, praemissa relata allocutione, proposuit sequentes Ecclesias:

Tiiiclarem Ecclesiam Episcopalem Caesareae Philippi seu Paneadis sub Archiepiscopo Tyrio, vacan, per promotionem R. P. D. Cyrilli Macaire ad Pa-

triarchalem Ecclesiam Alexandrinam Coptorum, favore R. D. Iuliani Cabras,

Presbyteri archidioeceseos Turritanae, qui etiam deputatus fuit in Auxiliarem

R. P. D. Didaci Marongiu, Archiepiscopi Turritani.

Metropolitanam Ecclesiam Mutinen. cum ei in Commendami adnexa in perpetuum Abbatia S. Silvestri Nonantulae, nullius dioecesis, vacan, per obitum