406 FOROLIVIEN. ET BRICTINORIEN.

habeat dimensionem, promptamque erectionem ad coeundum necessario duraturam an fìbrae compactae et consistentes, seu potius flaccidae lassaeque sint: an testes sanae natura- Iisque magnitudinis etc. ». Nec probabilius saltem infician- dum agi in casu de impotentia antecedenti et insanabili. Quoad primum enim, cum ex relationibus medicorum impotentia Antonii dicenda sit intrinseca, idest ex vitio naturae seu generali statu organico proveniens, praesu- mendum esset, illam matrimonium praecessisse, iuxta ea quae tradunt Doctores ReifYenstuel De frig. et male f. n. 28; Sánchez De matr. lib. 7, disp. 103, n. 5; Maschardus De prob, conci. 876, n. 19 et conci. 2027, n. 3 etc. Relate vero ad perpetuitatem, nedum invocari posse cum Card. De Luca De matr. dec. 11, n. 18 « praesumptio scatens ex eo quod eadem inhabilitas augebitur de futuro in aetate in qua potentia generandi languet et notabiliter in dies de- crescit »; sed adest expressum cognitorum iudicium.

Verum nihilo secius haud est praetereundum non leves existere difficultates, ut admittamus iuridice probatam in Antonio impotentiam, quae matrimonii illius cum Assumpta nullitatem secumferat. Siquidem recolendum est coniuges bis aut ter tantum rem uxoriam perficere tentasse, nec proinde allegari posse canonicam probationem triennalis cohabitationis in Cap. Laudabilem, De frig. et male f. praescriptam. Quae quidem, vel saltem frequentiores congressus ad impotentiam demonstrandam necessarii fuissent, attenta praesertim inte- gritate externa genitalium viri, qui a medicis enunciantur « in uno stato normale per forma e numero ». Quod si iis minime obstantibus, iidem medici de Antonii impotentia satis constare censuerunt ex aliis signis in eo deprehensis, animadvertendum est in primis in eorum relatione sermo- nem esse de quibusdam tantum signis, non vero de omnibus quae Zacchias recenset loc. cit. et ex quibus « simul con- currentibus » impotentiam coeundi demonstrari tradit, et deinde eadem signa, ceu refert cl. Gasparri De matr. tom. 1, n. 253, ab artis medicae peritis uti incerta haberi. Ceterum