410 EX S. G. CONCILII

titisse de capitulo, sed tamen nonnullos adducit conventus capitulares, in quibus ipse rite advocatus suum dedit suffra- gium, idemque, iuxta ipsum, non consultivum, sed decreto- rium ; unde ipse evincere studet, Archidiacono partem in capitulo competere et nonnisi iniuria hactenus illi fuisse denegatam.

Verum tum ex ipsa attestatione Archidiaconi, nec non ex adiunctis factorum quae enunciat, tum ex unanimi asser- tione aliorum canonicorum, haud dubia est conclusio, nempe Archidiacono in capitulo partem non competere. - Equi- dem haec conditio est omnino extraordinaria in Italia, sed non est remota a iure communi. Revera Archidiaconus est dignitas, dignitates autem, ordinario iure, capituli partem non faciunt, quippe dignitatis qualitas seu iurisdictio desu- mitur a praebenda cui est adnexa ; qualitas autem canonici non dérivât nisi a praebenda quae sit canonicalis. Quare Leurenius ita disserit, Forum eccles, in tit. XI lib. III De- cretalium: « Soli canonici constituunt capitulum seu sunt capitulares ita ut etiam Praepositi dum non sunt canonici non constituant una cum canonicis capitulum. Idem est de aliis dignitatibus si canonicali praebenda careant. De iure communi dignitates non sunt de capitulo, nisi in eorum erectione exprimatur concessio stalli in choro et vocis in capitulo, vel nisi statuto vel consuetudine disponatur quod sint de capitulo ». Et Card. Petra, Comment, in l a m Const. S. Leonis Magni, tradit: « In Ecclesia saeculari nomine capituli venire tantum canonicos, regulariter est dicendum. (Rota decis. 144 n. 2 part. 19 recentium). Unde excludun- tur dignitates quae non dicuntur de capitulo, quamvis in Italia de consuetudine dicantur de Capitulo... Et sic regula extra Italiam est, ut dignitates non sint de capitulo, in Italia vero quod sint, utraque tamen regula limitatione accipiente ex usu ».

Nihilominus dignitates, veluti nativo iure, partem ha- bent in functionibus capitularibus. Porro inter praerogativas dignitatum, prima est ut choro, inter canonicos, adsint.