415

LITTERAE CIRCULARES, quibus Ordinarii locorum monentur, ut sub sigillo et di- recte ad Sacram Congregationem mittant litteras commendationis favore in- stitutorum, simplicium votorum, exposcentium apostolicam approbationem.

Perillustris ac Reverendissime Domine uti Frater,

Usuvenit postremis hisce temporibus, ut Moderatores seu Moderatrices Institutorum vota simplicia nuncupantium hanc S. Congregationem Episcoporum et Regularium adeuntes, ad effectum impetrandi Decretum laudis vel approbationem respe- ctivi Instituti sive constitutionum, una cum supplici libello al- lègent etiam commendatitias litteras patenter ipsis datas ab Or- dinariis locorum, in quibus proprii Instituti sodales commo- rantur. Porro, per huiusmodi agendi rationem, contingere facile potest, ut Sacrorum Antistites haud plena gaudeant libertate plane aperiendi animi sui sensum, et aliquando forsan impe- diantur quominus S. Congregationem distincte doceant de non- nullis rerum adiunctis, quae ad recte iudicandum de precum merito utilia vel etiam necessaria forent.

Quare haec eadem S. Congregatio, quo tutius in re tam gravi procedi possit, omnes et singulos Ordinarios monendos esse censuit, ut quotiescumque, in posterum, ab Institutis vo- torum simplicium postulentur commendationes ad assequendum Decretum laudis seu approbationem Apostolicam, litteras ipsis oratoribus patenter ne tradant, sed eas cum opportunis infor- mationibus et proprio voto, pro rei veritate et iustitia, directe ad S. Congregationem, sub sigillo, transmittant.

Haec itaque, pro meo munere, significo Amplitudini Tuae, cui fausta omnia a Domino adprecor.

Datum Romae ex Secretaria S. Congregationis Episcopo- rum et Regularium die 22 Iunii 1900.

F. H. M. CARD. GOTTI, Praefectus.

A. PANICI, Secretarius.

EX S. CONGR. EPISC. ET REGULARIUM