416

DECRETUM : oportet ut ad S. Congregationem studiorum mittatur exemplar cuiusvis Operis quod publicetur a personis, universitatibus catholicis addictis.

Mme ac Revme Domine,

Summopere laetandum in catholicis Athenaeis vel Facul- tatibus canonice erectis viros adesse, qui, editis operibus, sa- cras praesertim disciplinas illustrant et ab insectatorum erro- ribus, nimis hoc aevo effrenate disseminatis, strenue vindicare satagunt, ut inde catholica veritas, omnium scientiarum amica, magis magisque splendescat.

Quum autem quidquid praeclarum in lucem profertur ex praedictis Facultatibus, in decus ac solatium quoque cedat hu- ius S. Congregationis, studiis regundis praepositae, facile com- peritur quam maxime intersit, ut eadem S. Congregatio cogno- scat quae evulgantur opera ab iis, qui eisdem Facultatibus sunt. addicti. Ne horum opera in posterum manibus aliorum et prae- sertim discipulorum versentur, quin perspecta sint huic S. Con- gregationi, quod prudenti consilio cautum fuit in percelebri Constitutione felic record. Leonis X I I , quae incipit Quod divina Sapientia, in mentem omnium revocandum censuimus, vide- licet, ut quique vel docendi vel alio munere funguntur apud Athenaea vel Facultates quae iure ad nos pertinent, unum exem- plar cuiusque operis quod ediderint, ad Sacram Congregatio- nem, veluti argumentum obsequii, mittere teneantur.

Cum de re agatur haud levis momenti, Cancellarii cuius- que Facultatis, ea qua par est sedulitate, curabunt ut huiusmodi lex omnibus innotescat atque insuper ut mittantur etiam ephe- merides quaecumque stato tempore prodeunt.

Datum a Secretaria Sacrae Congregationis Studiorum die 10 Februarii 1900.

FRANCISCUS CARD. SATOLLI , Praefectus.

ASCENSUS DANDINI, a Secretis.

EX S. CONGREGATIONE STUDIORUM