420

PIACENTINA IN HISPANIA

I N D U L T I

Die 22 Augusti 1896. P e r s u m m a r i a p r e c u m .

C O M P E N D I U M F A C T I . Ioseph Benavides, anno 1894, digni- tate canonici cantoris auctus fuit in Ecclesia Cathedrali Piacentina in Hispania. Hic, quum pluribus iam ab hinc annis Romae moraretur, scholas instituerat sub primis noctis horis celebrandas a iuvenibus gratis erudiendis in idiomatibus exterarum nationum. Obtento canonicatu, ei Roma deserenda erat : quare veniam petiit Romae manendi ad septem menses ; nec non iuvenes , ad centum quinqua- ginta, scholis addicti sub die 29 Iunii 1894 supplices petie- runt a Sacratissimo Principe, ut indulgere dignaretur viro, de ipsis tam bene merito, dispensationem a canonica residentia. S. C. C. de more votum exquisivit ab Ordina- rio, qui vicissim Capituli expostulata sententia, eandem negativam accepit et S. C. transmisit , suo voto Capituli sententiae accedens. Quare ad instantiam sub die 23 Iu- nii 1894 rescriptum fuit « Lectum ».

Canonicus Benavides domicilium instauravit Placentinum, sed mense octobri gutture laborare coepit, quo ex morbo ut se reciperet periti consuluerunt canonico Romam petere, ubi sulphureas Tiburtinas aquas inhiaret. Quam ob rem veniam a Capilulo petiit et obtinuit Romae morandi ad duos menses.

His mensibus exactis, medici testati sunt Benavides acerbius in morbum relapsurum si dulce Romae aër derelin- queret et vitam ipsam in discrimine versaturam fore. Exinde Canonicus, prorogationis indultum a Capitulo obtinere desperans, die 18 Decembris ad S. C. C. recursum habuit. S. C. C. eadem percontavit Episcopi et Capituli votum, sed negativum excepit.

Capituli animadversiones, ab Episcopo approbatae, prae- cipue eo spectant, ut Capitulares non parum videantur su-