4-20 EX S. C. RITUUM

illis opitulata est. Francisca postquam hospitae, tam alacriter vir- tutis viam iam insistenti, stimulos admovisset, dixissetque se di- vinitus accepisse u destinari Ioannam sublevandis pauperibus et fore ut mater pauperum vulgo appellaretur " discessit.

Postridie eius diei Ioanna extra se rapta triduum mirabiliter mansit. In ea visione clare se perspexisse postea edixit, genus vitae ad quod divinitus vocaretur, Congregationem a se condendam primas Instituti sodales et alia idipsum spectantia. Quo caelesti visu mirum quantum animi sumpserit Dei Famula ad sanctum urgendum propositum. Quin etiam ut experiendo diligentior prom- ptiorque fieret ad levandas proximi calamitates, Caesarodunum cum piis quibusdam feminis proficiscitur pedibus ; quo in iti- nere, pecuniam, quam secum asportaverat, mendicis tribuendo, ipsa emendicato vivens non semel persensit quam sit amara repulsa postulatae stipis vel diversorii. Post haec domus eius indigentibus, quibus a die initae sanctioris vitae numquam non patuit, magis magisque frequentari coepit. His autem neutiquam contenta Dei Serva, circumibat conquisitum alios, quibus sub- veniret. Vix attinet dicere, tam prolixae charitati impares fuisse- domesticas Ioannae copias, quae propterea studiose corrogare pro mendicis opem, mutuam accipere pecuniam, maxime fidere provi- denti Deo. Deus autem gratam se habere operam spemque suae fa- mulae, non semel vel in eius manibus nummos multiplicando, vel ei praeter hominum expectationem alio quopiam modo auxiliando ostendit. Interea non parum molestiae patiebatur Dei Serva pri- mum a nepte, quae tantam eius munificentiam aequo ferre animo non poterat, quod rem familiarem quotidie attenuari cerneret, tum a civibus suis quibusdam, qui cum ipsi plus haberent in bonis ae- gerrime tolerabant se ab illa in sublevandis proximis superari. Sed nihil querimoniae aut calumniae valuerunt ut eam ab incepto moverent : neptem tandem ad sua prosequenda instituta convertit ; ceteros, nova semper charitatis opera moliendo, in admirationem sui rapuit.

Nam ubi ex Caesarodunensi itinere redierat, nacta puellam summa egestate afflictam derelictamque a suis, ad se assumpsit, domique suae educere coepit. Hoc initium fuit Instituti a Provi- dentia, quod, secundum piae Franciscae praedicta, Dei Famula conditura erat. Anno MDCCII pupillae ad alendum receptae nu- mero ad duodecim erant. Quo tempore mirifice apparuit patientia et fortitudo S. D. Nam cum ingens saxum, quod domunculae hos-