422 PLACENTINA IN HISPANIA

Insoluta adhuc hac quaestione, sub fine mensis Octo- bris 1895 alia iterum excitatur ob gutturis morbum, in quem reincidisse querebatur Canonicus Benavides, instans pro licentia abessendi. Duo medici Placentiae de re consulti, respondisse videntur necessarium ei esse, Romam se conferre ad Tiburtinas sulphureas aquas inhiandas. Capitulum, et ipse Episcopus, huic voto non acquiescentes, Oratori conce- dunt 8 dies ut Matritum petat ad celebriores medicos hac de re consulendos. Examen a tribus medicis institutum fuit, rem moderante D. Moliner, atque concordi opinione senten- tiam medicorum Placentinorum ratam habuerunt.

Haec tamen Capitulum non movit neque Episcopum, qui Canonici Benavides instantiae resistere prosecuti sunt. Hic rursum ad S. C. C. confugit Romamque ipse concessit, efflagitans, ut sibi tandem ius reddatur, addens Medicorum Romae consultorum aliud favorabile votum. S. C. C. die 9 Martii 1896 edixit « Episcopo pro informatione et voto, audito Capitulo, transmissaque eidem Episcopo, in copia, fide medicorum ab oratore exhibita ».

Episcopus Capituli votum transmisit quod approbare et confirmare testatus est.

Capitulares advertunt, Benavides indultum septem men- sium postulasse statim ac Canonicus renunciatus fuit , quo non obtento, ferunt, illum dictitasse se Romam reversurum, hiemali tempore.

Ut Romam Canonicus ad veniret, Capitulum duos con- cessit menses, sed ulteriores concedere negavit, cum resci- visset, Romae Benavides in scholarum munera alacriter incumbere.

Quum adventante Novembri a. 1895 iterum instaret Orator pro romano itinere, Capitulum 8 indulsit dies, ut Matritum se conferret consulturum celebriores medicos. Matriti vero commorans Benavides, aiunt Capitulares, adeo gutture valuisse, ut mota suo orationem habere potuerit in Academia de re historica.

Praeterea advertunt, neminem latere regionem Hispa-