EX S. C. RITUUM 425

initiis, ad maximarum rerum incrementa pervenit. Ibi omnibus omnia factus, cuiusvis conditionis aegrotos in unum congre- gavi^ aluit, curavit. Pauperes intuens tamquam Christi perso- nam venerabundus complectebatur, nudato capite adibat, ex- quisitissimis officiis cumulabat. Tantae vero messi ne operarii umquam deessent, simulque ut multiplex sterneretur quamplu- rimis via aeternae procurandae salutis, virtutes ipse suas in copiosissimum sacrarum virginum piorumque virorum agmen transfudit, institutis in eum finem coetibus ac familiis complu- ribus, cum suis quibusque legibus ac vestibus. Inter haec, gra- vissimis laboribus exantlatis, exitum invenit plane dignum tan- tae caritatis viro ; quippe « maiorem hae dilectionem nemo ha- bet ut animam suam poned quis pro amicis suis ». Itaque ty- pho et cholera morbo desaeviente, quum se in apertum vitae periculum coniecisset, eodem ipse morbo correptus, victima caritatis obiit placidissime Cherii pridie calendas Maias an- no 1842.

Eius opinio sanctitatis quum post excessum percrebuisset in dies, ipsique Regi ac Primatibus ex clero omnique Ordini civium insedisset altissime, ita ut signis et monumentis fuerit etiam honestatus publice eiusdem Causa Beatificationis apud S. Rituum Congregationem promoveri coepta est. Collectis igitur probationibus et sedulo expensis, ceterisque ad iuris normam exactis, triplex de virtutibus in summo gradu Ve- nerabilis Iosephi Benedicti Cottoiengo instituta est actio; pri- mum in antepraeparatoriis Comitiis undecimo calendas Ia- nuarii an. 1896 penes R m u m Cardinalem Aloisium Oreglia a Sancto Stephano Episcopum Ostiensem et Veliternum, Cau- sae Relatorem ; deinde in Coetu praeparatorio in Aedibus Vaticanis decimo quarto calendas Ianuarii an. 1899; denique in generali Conventu coram S S m o D. Nostro Leone Papa X I I I in iisdem Vaticanis Aedibus habito quinto calendas Decembris m o x elapsi, in quo ab eodem R m o Cardinali proposito dubio: « An constet de virtutibus theologalibus. Fide, Spe et Caritate in Deum et Proximum, nec non de cardinalibus, Prudentia, Iustitia, Fortitudine ac Temperantia earumque adnexis in gradu heroico in casu et ad effectum de quo agitur ». Rmi Cardina- les Sacris tuendis Ritibus praepositi et Patres Consultores suam ex ordine aperuere sententiam. Quorum suffragiis rite perpen- sis Beatissimus Pater, auspicatissimis his verbis Conventum di-