428 SALERNITANA

Notat praeterea procurator, dismembrationem reclamare dissidia quae intercedunt inter Clerum loci Contrada et alterum loci Forino ; super hac re recolens verba iam citata Archiepiscopi Salernitani.

In his rerum adiunctis, concludit advocatus, esse locum dismembrationi.

Descendens Orator ad diluenda adversariorum obiecta, asserit haec nullius esse momenti. Quia omnes rationes anti- quitatis et matricitatis cedere debent animarum bono.

Frustra adversarii, iuxta oratorem, invocant in sui favo- rem, leve Ecclesiae servitium, videlicet quod consistit in diebus festis de praecepto, die Lunae et Sabbati ; quod plures sint curati ; quod participantium Massa fuerit constituta plu- ribus beneficiis unitis y quod dismembratio seu divisio terra- rum occasionem praebeat dissensionibus ac discordiis. Nam reponit Orator, haec omnia flocci facienda esse in compara- tione salutis animarum.

Ex eo quod massa participantium fuerit constituta plu- ribus unitis beneficiis, ait recolendum esse Concilium Triden- tinum ita decernens cap. 4, sess. 21, De reform. « Illis autem Sacerdotibus, qui de novo erunt ecclesiis , noviter erectis, praeficiendo, competens assignetur portio arbitrio Epi- scopi ex fructibus ad Ecclesiam matricem quomodocumque pertinentibus, et si necesse fuerit, compellere possit populum ea subministrare quae sufficiant ad vitam dictorum Sacer- dotum sustentandam ; quacumque reservatione generali vel speciali vel affectione super dictis Ecclesiis non obstantibus ».

Quo ex capite, advertit procurator , Archiepiscopi voto acquiescendum non esse, expostulantis ut bona matricis Eccle- siae nullimode cederent in congruam novae paroeciae.

Quidus animadversis, propositum fuit diluendum Dubium

An et quomodo sit locus Ecclesiarum dismembrationi in casu.

R E S O L U T I O . Sacra C. C. re disceptata sub die 22 Augu- sti 1896, censuit respondere : Non expedire.