434 F L O R E N T I N A .

quo conclusit tot hodie ac tantas expensas adesse improba- bile prorsus videri.

Fac etiam ex negligenti bonorum gestione ecclesiae re- ditus esse imminutos. Sed primo adeo profecto imminuti esse non possunt ut 1131 libellae hodie deficiant. Praeterea, si parochus Benelli paroeciae res male gessit, sibi imputet: aequum enim non esset onus culpae suae innocentius im- ponere. Ceterum praesumi omnino non potest Florentinam Curiam pensionem parocho inconsulto tribuisse: "imo vero ex ipsius decreto percipitur, eam omnia diligenter inspexisse, parochiales libros vidisse, reditus et expensas enucleasse. Haec omnia falsa esse ostendat oportet parochus Benelli an- tequam reductionem petat: quia res nullo modo probatas asserere, vel peritias ostendere ad opportunitatem confectas, nihil aliud est quam lucri studium profiteri, non veritatem.

Ulterius progressus orator, ait : Benelli meminit quod pensio est solvenda donec aliter non provideatur pensionatus. Quum vero hodie pensionatus hic Capella num agat monia- lium, et pensione fruatur, quam ei fiscus saecularis solvit ob beneficium s. Clementis, ideo pensio de qua lis est, non est amplius solvenda.

Contrariae huic animadversioni respondit orator Arri- ghetti, quod moniales nil aliud ei praebent quam habitatio- nem et huiusmodi victum qui ad illius valetudinem non convenit. Stipendium vero nullum praebent, ne illud qui- dem quod eleemosynae titulo, pro missarum celebratione tribui solet. Quoad vero beneficium s. Clementis a fisco suppressum, ait, quod deductis missarum oneribus, libellae 23 tantum supersunt pro rectore.

Tametsi proinde hactenus se disputasse, ait orator, ac si vere beneficio f meretur: sed reapse non fruitur. Redditus enim, qui antea maiores erant, anno 1870 definiti sunt li- bellis 138. Sed paulo post fiscus solutionem denegavit. Mox demum, hoc scilicet anno, pensio illi iterum addicta fuit, habitu tamen, non actu, quia usque ad hodiernam diem ne una quidem libella parocho soluta est.