454 F.'X S. C. CONCILII

universim videbatur consultum incommodis, quibus amovendis lex illa prodierat.

Praeterea post tria ferme saecula a legis promulgatione, pecuniae valore et aestimatione mutatis, et in novis diversisque adiunctis societate versante, plena Innocentianae legis observantia in ipsis Italiae dioecesibus difficilis evasit, et quandoque etiam incongrua ; unde Ordinarii maiori in dies numero postulare coe- perunt, ut novae peculiaresque exactiones ab Innocentiana di- versae, probarentur aut tolerarentur.

His mature perpensis, et per officium S. Congregationis Concilii Archiepiscopis nedum Italiae, sed et aliarum regionum de sententia rogatis, Sanctissimus Dominus Noster Leo PP. XIII particularem Commissionem penes S. Concilii Congregationem constituit, eique in mandatis dedit, ut de hoc recognosceret suamque sententiam emitteret.

Iamvero in conventibus semel atque iterum ab ea habitis, tria quae sequuntur dubia, quibus universa quaestio compre- hendi visa est, ad examen revocata sunt, nimirum:

I. An et quae taxa imponi possit iuxta prudentiae et iu- stitiae regulas in materia sacramentali, ac speciatim in matri- moniali, itemque in materia beneficiaria.

II. An generalibus quibusdam editis normis, specifica prae- finitio taxarum in singulis dioecesibus Ordinariorum arbitrio sit relinquenda; an potius praescribendum, ut hac de re aga- tur, in synodis provincialibus, et quatenus synodi haberi ne- queant, in conventibus Episcoporum in singulis provinciis et in Italia in singulis regionibus, ad hunc effectum peculiariter ha- bendis, sub lege nempe ut uniformis taxa in singulis provinciis seu regionibus quoad fieri possit statuatur, Sacrae Concilii Con- gregationi pro approbatione subiicienda.

III. An et quaenam aliae provisiones hac de re sint adhi- bendae.

Quibus Eminentissimi Patres, praevio Consultorum voto, respondendum censuerunt :

Ad I Affirmative, ita tamen ut quoad aetas qui directe respiciunt sacramentorum administrationem servetur dispositio cap. 42 Decret. De Simonia, scilicet ut Ubere conferantur ec- clesiastica sacramenta et piae consuetudines observentur. Quod vero ad reliquos actus, qui directe non respiciunt administra-