KS. S. C. DI-: PROPAGANDA FÍDE 439

munus erit servare ac provehere assidua solertique vigilantia et cura regularem disciplinam Missionariorum proprii Ordinis; item et Missionis negotia singulis pro cuiusque ingenii et corporis viribus committere, quae tamen is ne agat nisi collatis cum Superiore Missionis consiliis, ut in eam una concedant provi- sionem, quam magis ad Catholicae rei emolumentum conferre iudicaverint.

V. Si Generali Religiosi Ordinis Superiori visum fuerit, in quibusdam temporum, locorum et personarum adiunctis, utilius cumulare munus Superioris Missionis cum munere Superioris Regularis, perficere id poterit, non tamen sine Sacrae Congre- gationis auctoritate et venia.

VI. Superioris Missionum erit ordinaria christianarum ad- ministratio Communitatum , quae Apostolicis Missionariorum laboribus ab infidelitate, ab haeresi vel a schismate ad veram fidem aut pr imum venerint, aut reversae fuerint; quousque ta- men ad Episcopos seu Ordinarios proprii ritus remitti queant. Ipsi etiam ius esto novas fundare Stationes Missionum, collatis tamen prius cum Apostolico Delegato consiliis.

Eiusdem Superioris munus tandem sit statuere et peragere quidquid prudenter existimet meliori Missionum regimini pro- futurum.

VII. Praecipuum Delegati Apostolici officium erit vigilare, ut Missionarii nunquam ab incepto ferientur, sed assidue ac probe suo fungantur munere. Scilicet ut apostolico ritu villulas suae subditas Missioni continenter lustrent, infirmos in fide roborent, lapsos et devios in viam salutis revocent; sic demum élaborent ad dominici agri ubertatem, ut omnes Christum lucrifaciant, suis militibus olim iustitiae coronam redditurum.

Curet praeterea Delegatus ut Missionarii per quam diligenter fideliterque Sanctae Sedis mandata et institutiones servent ac expleant.

VIII. Item Apostolicus Delegatus omnem dabit operam, ut ipse et Superior Missionis plene conveniant de sententiis et rebus agendis, quae ad Missionis administrationem et progressum at- tinent. Et ubi contingat, eos diversa sentire in gravioribus Mis- sionis negotiis, Delegati Apostolici praevaleat iudicium, salva tamen Superiori Missionis facultate S. Congregationem adire rogatum, ut quod ipsa Missionis bono conducibilius existimet, faciendum decernat.