Albert the Great, Commentarii In Psalmos

Dicit ergo : Sic monui ad timorem, sed forte nescitis quid sit, nec quomodo haberi possit: propter hoc clamo: " O filii, venite ad me. " Vel secundum Augustinum : " Postquam locutus est in ti-"more existentibus, et eos instruxit de " sacramento altaris, nunc advocat illos " qui sunt adhuc extra Ecclesiam, qua-"les sunt Cathecumeni. " 0 filii,venile. a Mos est propheticus auditores vocare filios. Matth. XI, 28 : Venite ad me omnes qui laboratis, et onerati estis.

Nec mirum : in his enim verbis, omnium hominum Pater loquebatur. Cassiodorus : " Vox paterna sonat, ut ul-" tro dicentem audiamus, quem tacen-"tem exquirere deberemus. Si loquen" tem in Prophetis, quanto magis in proci prio Filio, et per Filium proprium nos "instruentem audire debemus ?" Luc. x, 24: Multi Prophetae et reges voluerunt videre quae vos videtis, et non viderunt, etc. Ad Hebr. I, 2: Novissime diebus is-tis locutus est nobis in Filio.

" Audite me, " ut sapientiores sitis. Proverb. I, 5 : Audiens sapiens, sapientior erit. Proverb. IV, 1 : Audite, filii, disciplinam patris. Sed quid docebis? " Docebo vos " filios, rem utilem, quia Pater sum, et vos filii, Isa. xlviii, 17: Ego Dominus Deus tuus, docens te utilia. Primum autem horum timor, unde, "timorem Domini docebo vos. " Eccli. I,

16: Initium sapientiae, timor Domini. Non autem docebo vos servilem tantum, quia filii estis, sed filialem, de quo Eccli. xxiii, 37 : Nihil est melius quam timor Dei. Et nota, quod bene discipulos dicit filios. Primo ratione nominis, quia secundum Augustinum, " Filius dicitur " quia fit ut ille, et ita sonat assimilalio-" nem. Et discipulus debet assimilari "Doctori. " Luc. VI, 40 : Perfectus omnis erit, si sit sicut magister ejus. Secundo, ratione acceptae informationis : non enim accipit discipulus a magistro semen faetidum et corruptibile, sed nobile et spirituale, de quo Luc. viii, 11: Semen est verbum Dei. Ergo multo fortius filius dicendus est, quam ille. I ad Corinth. IV, 18 : In Christo Jesu per Evangelium ego nos genui. Tertio, ratione reddendi debiti honoris quem debet Magistro et Doctori tamquam patri. Malach, I, 6 : Si Dominus ego sum, ubi est timor meus ? Eccli. LI, 23 : Danti mihi sapientiam dabo gloriam. Secundum autem Augustinum, vox est Christi clamantis ad homines. Proverb. viii, 4: 0 viri, ad vos clamito, et vox mea ad filios hominum, non ad Angelos. Sed tria sunt quae impediunt audire Magistrum. Elongatio in superbis, Ecoli.xv, 7 : Longe enim abest a superbia et dolo. Propter hoc dicitur de superbo, I ad Tim. VI, 4 : Superbus est nihil sciens. In carnalibus, tumultuatio carnalium cogitationum, et motuum. Proverb. xx, 1: Tumultuosa ebrietas: quicumque his delectatur, non erit sapiens : quia Eccle. IX, 17: Verba sapientium audiuntur in silentio. In avaris,aurium obturatio. Psal. lvii, 5 : Furor illis secundum similitudinem serpentis: sicut aspidis surdae, et obturantis aures suas. Avarus enim obturat aures terrenis, ne vocem audiat Salvatoris.

"Quis est homo qui vult vitam. " Hic secundum, in quo subjungitur promissa instructio, et primo de meritis. Secundo, de praemiis retribuendis per illa, ibi, " Oculi Domini super justos. "

In prima duo. Primo, de merito oris. Secundo, operis, ibi, " Declina a malo. " Sed quia valde difficilis oris custodia, duo dicuntur in prima parte. Primo, quaerendo innuit quantum sit praemium. Secundo, subjungit meritum refraenationis linguae et custodiae, ibi, " Prohibe linguam. "

Praemium duplex tangit, vitam, et prosperitatem in vita, ibi, " Diligit dies. "