EX S. C. RITUUM

PHILADELPHIEN. seu Budvicen. Beatif icat ionis et Canonizat ionis Ven. Se rv i Dei

ioannis Nepomuceni Neumann e Congregatione Sanc t i s s imi Redemptor is Epi-

scopi Philadelphiensis .

SUPER DUBIO

An sit signanda Commissio introductionis Causae, in casu et ad effectum de quo agitur?

Angelici spiritus Dei ministri atque hominum custodes pe- culiari quadam protectione sustinent Ecclesiarum Angelos, Epi- scopos, qui cum ipsis et muneris dignitate et gratiae auxilio consociantur. Inter hos recensendus est Servus Dei Ioannes Ne- pomucenus Neumann, Episcopus Philadelphiensis, e Congrega- tione SSmi Redemptoris, Sancti Patris Fundatoris Alphonsi M. de Ligorio verus discipulus ac spiritualis filius. Prachaticii in Bohemia eadem die 28 martii anno 1811 natus et baptizatus est, eique a piis pronisque parentibus Philippo et Agnete Le- bisch nomen impositum Ioannes Nepomucenus. Puer, diligens, modestus ac devotus scholas primarias in patria frequentabat, et sacro chrismate linitus ecclesiasticis functionibus libentissime inserviebat. Annum agens duodecimum Budovisiam missus, prius humanioribus uteris, dein tum in Seminario dioecesano, tum in Universitate Pragensi theologicis disciplinis sedulo in- cubuit. A suo Episcopo, die 21 iulii 1832, clericalem tonsuram minoresque ordines recepit, ac plura Sanctuaria, more peregrini poenitentis, invisens et Sanctum Franciscum Xaverium suum patronum imitari cupiens, se ad exteras missiones vocatum ostendit. Studiorum curriculo summa cum laude expleto, atque in domum parentum reversus, quum magis in dies desiderio missionum incensus esset, a proprio Episcopo Budvicensi rite dimissus, die 20 aprilis 1836 in Americam Septentrionalem pro- fectus est; eumque Episcopus Neo-Eboracensis humanissime recepit, probavit et ad sacros ordines promovit. Novus in vinea Dei operarius ac sacris expeditionibus addictus Servus Dei cum zelo et patientia populos evangelizavit regionis prope Niaga- ram, quae tunc ad dioecesim Neo-Eboracensem pertinebat. Ve- rum perfectioris vitae capessendae consilium, quod Roffae cum Patribus Alphonsianis sancte conversando conceperat atque alibi foverat, ad rem, Deo adiuvante, perduxit. Namque die 30 novembris anno 1840 Congregationis SSmi Redemptoris habi-