EX S. C. RITUUM 443

tum induit atque, tyrocinio per biennium peracto, die 16 ia- nuarii 1842, in Ecclesia S. Alphonsi Collegio Baltimorensi ad- nexa, religiosa vota emisit. Sororibus Carmelitanis, atque a nostra Domina nuncupatis, necnon Hospitio Pittisburgensi S. Phi- lumenae operam valde utilem praebuit. Religiosus observan- tissimus, missionarius fervidus, Superiori Provinciali adiutor, etiam praefato Collegio Baltimorensi praepositus fuit usque ad annum 1852, quo Episcopus Philadelphiensis, praeter suam expectationem, ab Apostolica Sede electus et die 28 martii in memorata Ecclesia S. Alphonsi consecratus, ad suam dioecesim illico se "contulit. Pastorali officio pro Christo fungens, quolibet biennio integram dioecesim perlustrabat, et verbi Dei praedicatione, sacramentorum administratione at- que sacrorum rituum observantia sacerdotibus suis praelu- cebat. Cathedralem Ecclesiam, Seminarium clericorum, Asy- lum infantium erexit aut perfecit; atque insimul scholas pa- rochiales piasque sodalitates instituit, accitis quoque in dioece- sim Fratribus et Sororibus Religiosarum Congregationum. Anno 1854 a Pio Papa IX fel. rec. vocatus Romam venit, definitioni dogmaticae de Immaculata B. M. V. Conceptione interfuit, se- ptem Basilicas Urbis pedester et ieiunus quinquies visitavit, et, patria ac genitore revisis, Philadelphiam rediens, non modo triduana solemnia in honorem Immaculatae Conceptionis celebrari iussit, sed etiam publicam Augustissimi Sacramenti expositio- nem in forma XL Horarum, prout eam Romae peragi viderat, in suam diocesim introduxit. Quasi angelus in terram missus, improviso, dum per viam deambularet, a Deo revocatus in cae- lestem patriam evolavit die 5 ianuarii anno 1860, clero et po- pulo ad eius funus et sepulcrum penes Ecclesiam Redempto- ristarum ad S. Petrum confluente. Sanctimoniae fama quam Ioannes Nepomucenus, dum vitam ageret, sibi comparaverat, post obitum in dies clarior ac diffusior praesertim in Statibus Foederatis Americae Septentrionalis ac in dioecesi Budovicensi, Inquisitioni Ordinariae instituendae causa fuit. Itaque Ordinariis Processibus, qui supra recensita testantur, rite peractis et ad S. Rituum Congregationem delatis una cum scriptis Servi Dei, Sanctissimus Dominus Noster Leo Papa XIII per Decretum Sacrae ipsius Congregationis datum die 10 iunii 1895, haec scri- pta probavit. Quum vero per alia anteriora Decreta edita diebus 14 et 19 decembris 1892 idem Sanctissimus Dominus Noster