446 Acta Apostolicae Sedis - Commentarium Officiale

V

Ecclesia Cathedralis sanctis Michaeli Archangeli) et Floriano martyri dicata in dioecesi Varsaviensi-Pragensi, ad gradum Basilicae Minoris evehitur.

IOANNES PAULUS PP. II

Ad perpetuam rei memoriam. - « Filium Dei adoramus; martyres vero tamquam Domini discipulos et imitatores merito diligimus propter eximiam ipsorum erga Regem ac Magistrum suum benevolentiam » (Martyrium Po- lycarpi, 17, 3). Quapropter libentes accepimus postulationem Venerabilis Fratris Casimiri Romaniuk, Episcopi Varsaviensis-Pragensis, ut Ecclesia Ca­ thedralis eiusdem dioecesis, ubi sanctus Florianus martyr, una cum sancto Michaele Archangelo, principe magno, qui venit in adiutorium nostrum (cfr Dn 10, 13; 12, 1), a sacerdotibus praedicantur et a christifidelibus piissime coluntur, dignitate Basilicae Minoris exornaretur. Nunc igitur concedimus eiusmodi petitioni, confisi sane fore ut, intercedentibus sanctis Michaele et Floriano, hoc privilegium haud parum conferat ad bonum populi Dei illius dioecesis divinamque misericordiam abundantius super eum fundendam.

De consilio ideo Congregationis de Cultu Divino et Disciplina Sacramen­ torum, potestate Nostra Apostolica per has Litteras statuimus, ut Ecclesia Cathedralis Sanctis Michaeli Archangelo et Floriano martyri dicata in dioe­ cesi Varsaviensi-Pragensi, titulo et dignitate Basilicae Minoris fruatur, iuri­ bus additis et privilegiis huiusmodi templorum propriis, servatis iis quae iuxta Decretum « De titulo Basilicae Minoris » die ix mensis Novembris, an­ no MCMLXXXIX datum, servanda sunt. Haec vero nunc et in posterum firma esse volumus, contrariis quibuslibet rebus non obstantibus.

Datum Romae, apud Sanctum Petrum, sub anulo Piscatoris, die xvni mensis Ianuarii, anno MCMXCVII, Pontificatus Nostri undevicesimo.

68 ANGELUS card. SODANO Secretarius Status

Loco 6B Sigilli In Secret. Status tab., n. 408.105