EX S. G. RITUUM 447

iustitia nunc est agendum quatenus specialis est virtus, et defini- tur a Doctore Angelico : u habitus secundum quem aliquis con- stanti et perpetua voluntate ius suum unicuique tribuit ". - De subiectivis huius virtutis partibus, quae vocari solent commutativa et distributiva iustitia, tenendum est, quod Scacchus docet: a ne- quaquam in quibuscumque Dei servis iustitiae actus ad cuiuscum- que iustitiae species requiri, sed attenta conditione et statu unius- cuiusque Dei Servi iustitiae actus ab unoquoque illorum requirun- tur, qui statui et conditioni illius respondere poterunt ". Et de dis- tributiva quidem iustitia, qua servatur aequalitas proportionum in attribuendis muneribus honoribusque nihil dicendum suppetit, nisi quod Dei Famula, quum insigni illa spirituum discretione esset prae- dita, munia Congregationis suae illis sororibus distribuebat, quae pro sua dignitate et solertia rectius illa gerere possent.

Quod autem attinet ad iustitiam commutativam, quae servat aequalitatem rei ad rem, maxime in contractibus, sine dubitatione est affirmandum Dei Famulam in hac virtute religiosissime esse versatam. Nam ut caveret pericula fraudandi aliqua in re proximi, mature commercio nuntium remisit, ut supra dictum est; atque sta- tim coepit facultates suas omnes pauperibus erogare. Id quod me- rito habetur heroicae iustitiae signum; nam si quis liberaliter de suo iuvat egenos, praeclare indicat se longissime abesse ut de alieno per iniuriam velit accipere. Verum quidem est Ioannam, ut prae- sentibus Congregationis et Hospitii necessitatibus occurreret, mul- tum subinde aes alienum contraxisse, et plura Missarum stipendia cumulasse. Attamen nec sine divinae voluntatis indicio id faciebat, nec iis, a quibus mutuam Recipiebat pecuniam, ignaris quanta re- rum omnium inopiam premeretur Dei Serva. Certe Francisca Sou- chette eam hortabatur, ut sine cunctatione aes alienum assumeret, ipsumque dabat sponsorem Deum. * Agissez avec foi, inquiebat illa et Dieu lui même se chargera de vos dettes ". Et vere miris fere modis factum est ut D. S. debita omnia exsolverit.

Iustitiae autem potentiales partes plures recensentur a Theo- logis. Prima est religio, quippe quae, ut ait Divus Thomas u ma- gis de propinquo accedit ad Deum, quam aliae virtutes ". Religio- nis duo ponuntur actus devotio et oratio. Iamvero devotio, nempe ea u prompta voluntas tradendi se penitus iis, quae ad Dei famu- latum cultumque pertinent ", sollertiae et studii plena fuit in Ioan- na, quae terrenis curis posthabitis, magno animo se mature man- cipavit divinae gloriae provehendae per misericordiam pauperibus