PARISIEN. 451

ctionem, quum maritus asserat se pluries mulieri coniugalia iura petiisse, e contra Maria id deneget; oratoris patronus respondet hanc discrepantiam non se referre ad matrimonii inconsummationem, in qua coniuges plene conveniunt, sed ad inconsummationis causas, quae minime attingunt sub- stantiam iuratae confessionis. Ac praeterea si coniugum verba non materiali sensu accipiantur, sed attente verborum spi- ritus expendatur, consideretur nempe, quid coniuges voluerint significare « pour cette demande de l'accomplissement du «devoir conjugal»; omnis discrepantia illico exulat.

Postea orator ad examen revocat physicum mulieris virginitatis experimentum, ex quo etiam affirmat in prae- senti haberi ineluctabile inconsummationis argumentum. Medici enim cognitores , servatis in inspectione canonicis praescriptionibus, Mariae corporis integritatem retulerunt.

Neque ad gratiosam dispensationem elargiendam deesse canonicas causas contendit orator. Siquidem habetur in casu coniugum aversio absque ulla reconciliationis spe. Eiusmodi autem aversionem ad gratiam concedendam suffi- cere tradunt DD. omnes, ita Ursaya discept. 21, num. 60, 61, 62, tom. 3, part. 2, et disc. 7, n. 76,77, tom. 3, part. 1.

Secunda dispensationis causa iuxta advocatum habetur in sententia divortii , iam a tribunali civili prolata. Ac denique aliam non minoris momenti causam reperit in spirituali utilitate petentis dispensationem, quae plurimi habetur a Perez De matrim, in disputât. 20, sect. 7 num. 11 et a constanti S. Congregat, praxi.

A N I M A D V E R S I O N E S D E F E N S O R I S V I N C U L I . Matrimonii vero defensor in primis observat, coniuges concorditer egisse in vinculi civilis relaxatione , simulantes ex parte mulieris absolutam reluctantiam ad maritalia obsequia.

Nec diverso modo agere pertentant coram Ecclesia, postquam a tribunali civili divortium obtinuerunt. Sed orator confidit, hac vice eorum conspirationem haud eis iuvare; siquidem argumenta, quibus existimant coniugium dispensan concludentia et verisimilia de facto non sunt.