Albert the Great, Commentarii In Psalmos

Dicit ergo : Sic judica nocentes, et " expugna impugnantes me, " dicit Christus ad Patrem. Et dicit " expugna, " id est, vince : expugnare enim est vincere, non sic impugnare. Cassiodorus : " Ex-" pugnat Dominus, cujus certamen trimuli phus est : virtutis enim infinitae nulla " est interpolatio. " Vel justus ad Christum loquitur : " Expugna impugnantes me, " diabolum, qui per honores intendit impugnare meam humilitatem : mundum, qui per divitias, paupertatem : carnem, quae per delicias, castitatem.

Hi sunt tres inimici David: Goliath Getheus, qui signat diabolum : Saul, qui interpretatur petitio, qui significat carnem, quae semper petit: et Absalon, qui interpretatur pax patris, et significat mundum, qui sub praetextu pacis patris decipit multos.

" Apprehende arma. " Hic determinat modum quo vult pugnare eum pro se : in quo tanguntur duo. Primo, praeparatio adjutoris. Secundo, abundans ultio de inimico, ibi, " Effunde. "

Ex parte praeparationis duo. Primo, ut si armatus. Secundo, ut erectus, ibi, " Et exsurge. "

Ait ergo : Sic " expugna, " et ut hoc melius possis," apprehende, etc. " Legitur hoc in persona corporis dupliciter. Tertio modo in persona capitis : arma enim, secundum quod legitur de corpore, possunt esse quilibet Christianus, vel anima ipsa Christi.

Ait ergo : Sic a expugna, " quod ut possis, " apprehende, " pro me liberando, " arma. " Augustinus : " Magnum spe-" ctaculum videre Deum armatum pro te, " imo Agnum unicum cum leonibus forti tissimis pugnaturum, scilicet cum dae-" monibus. " Apocalyps. xvii, 14 : Hi cum Agno pugnabunt, et Agnus vincet illos. Exod. xv, 3 : Dominus quasi vir pugnator, omnipotens nomen ejus. Isa. lxiii, 1 : Ego qui loquor justitiam, et propugnator sum ad salvandum. " Apprehende, " nos ipsos ad expugnandum diabolum in nobis per nos ipsos : ipsius enim sumus arma, et impugnat nos per nos ipsos diabolus. Ad Romam. VI, 13 : Neque exhibeatis membra vestra arma iniquitatis. Sed superveniens fortior aufert arma. Luc. XI, 21 : Cum forlies armatus custodit atrium suum, etc. Sic tamquam David Goliath eum interficiens proprio gladio ". Augustinus : " Quid est anima

" quamvis splendida et acuta producta, " nisi Deus illam teneat et pugnet cum " ea? " Joan. xv, 5 : Sine me nihil potestis facere.

" Et scutum, " bonam scilicet voluntatem, qua nos protegas, sicut scutum caetera protegit arma. Psal. v, 13 : Scuto bonae voluntatis tuae coronasti nos. Arma etiam possunt dici ipsa Christi anima. Arma ejus secundum Cassiodorum, eo quod per ea hostes arcerentur. Supra, in Psal. XVI, 13, dicebat ad Patrem : Eripe animam meam ab impio, frameam tuam, id est, animam meam, quae framea est, ab inimicis manus tuae.

" Et exsurge in adjutorium mihi, " qui videris dormire. Psal. lxxvii, 65 et 66 : Et excitatus est tamquam dormiens Dominus, tamquam potens crapulatus a vino. Et percussit inimicos suos in posteriora, etc. Aliunde enim adjutorium non habeo, nisi ex te. Osee, XIII, 9 : Perditio tua ex te Israel: tantummodo in me auxilium tuum. Tertio modo loquitur Christus ipse in quantum homo. 0 Deus Pater, " apprehende arma, " id est, me qui sum manus tua, fac apprehendere arma, doctrinam, et miracula. Sapient. xviii, 22 : Vicit autem turbas, non in virtute corporis, nec armaturae potentia, sed verbo illum, qui se vexabat, subjecit. Hoc patet, Matth. IV, 10, et Luc. IV, 13. Ad Ephes. VI, 17 : Et gladium spiritus, quod est verbum Dei.

" Et scutum, " constantiam, quam habuit sine dubio. Cant. IV, 4 : Sicut turris David collum tuum, id est, Christus qui conjungit hominem vero capiti suo Deo.

" Et exsurge in adjutorium mihi, " ut in omnibus his mecum opereris. I ad Corinth. xv, 11 : Non ego autem, sed gratia Dei mecum. Joan. XIV, 10 : Pater autem in me manens ipse facit opera.

" Effunde frameam. " Hic petitur abundans ultio. Ait : Sic praepara te, arma sume, et exsurge, et" effunde : " et in hoc notatur abundantia : " frameam, " id est, ultionem, quae intelligitur per frameam, quia per illam fit, sicut scriptura quae per manum fit. Ezechiel. XXI, 14 : Duplicetur gladius, ac triplicetur gladius interfectorum.

" Adversus eos qui persequuntur me, " malos scilicet homines, et daemones, quod fiet. Isa. xxvii, 1 : Visitabit Dominus in, gladio suo duro, et grandi, et forti, super Leviatham serpentem vectem, et super Leviathan serpentem tortuosum.

" Et conclude " eos, in inferno, ne vagentur ulterius ad nocendum, sicut modo decurrunt daemones ad libitum per aera caliginosum : et sic fiet. Isa. XXIV, 21 : In die illa visitabit Dominus super militiam caeli in excelso.

Vel sic potest legi: " frameam, " id est, justitiam, quae est framea, sicut in Psal. XVI, 13, supra:ZsVipe animam meam ab impio, frameam tuam, etc. Hanc " effunde, ". ut justis undique abundantibus justitia et sanctitas fulgeat, et injustitia destruatur. Ezech,XXI, 15 :In omnibus portis eorum, in quibus solent sedere judices, dedi conturbationem gladii acuti, et limati ad fulgendum. Tales enim debent esse judices adversus malos : unde addit : " Adversus eos qui persequuntur me, " homines scilicet malos. Genes. XXXI, 23, Laban persecutus est Jacob. " Et conclude, " ora scilicet eorum, ne injuste audeant me accusare, nec habeant quod vituperent in judice. I Petr. II 15 : Sic est voluntas Dei, ut benefacientes, vos judices, obmutescere faciatis imprudentium hominum insipientiam.

Si loquitur Christus, sic: " Effunde frameam, " meipsum, qui sum gladius. Ad Ephes. VI, 17 : Gladium spiritus, quod est verbum Dei, extra funde, et appareat, quod sum Deus. Isa. xlv, 15 : Vere tu es Deus absconditus. Et sic " conclude adversus eos qui persequuntur me, " Judaeos, ut nihil possint dicere contra me. Joan. XVII, 24: Videant claritatem meam quam dedisti mihi.

" Hic animae meae: Saties tua ego sum. " Augustinus dicit : " Intus dic. Ecce in " quo petit ut salvetur, ut mendaces sint " illi de quibus supra, Psal. III, 3 : Multi " dicunt animae meae : Non est salus ipsi " in Deo ejus. " Et " dic : Ego sum, " non alius. Isa. xlv, 21 : Non est Deus salvans, praeter me. " Hic, " quod es salus a culpa in praesenti per gratiam, Ad Ephes. II, 8 : Estis salvati per fidem. In futuro a paena per gloriam, Isa. xlv, 17: Israel salvatus est in Domino salute aeterna.

" Confundantur et revereantur. " Hic secundum, in quo postquam oravit pro se, orat consequenter contra adversarios : et dicuntur duo. Primo, imprecatur mala. Secundo, salubria convertendis, ibi, " Fiant tamquam pulvis. "

In prima duo. Primo, imprecatur mala malignantibus in apprehensiva. Secundo, contrariantibus in motiva, ibi, " Avertantur retrorsum.

In prima promittitur paena. Secundo, subjungitur culpa, ibi, " Quaerentes. "