PARISIEN. SEU AURELIANEN. 457

Eodem modo deponit alter Mariae confessarius, Desnoyers Vic. generalis Aurelianen.

Montgey oratricis consobrinus affirmat matrimonium in- consummatum mansisse ob certam viri impotentiam.

Cui consonat, prosequitur patronus, Henricus d'Achon testis ex officio, qui ait: « C'est au mari que l'on attribuait la responsabilité de cette non consommation, pour cause d'im- puissance de sa part, relative à la conformation ».

Cum autem habeantur tot testes, omni exceptione maio- res, qui amplissimum dant testimonium de oratricis reli- gione ac scrupulosa veracitate, et particularia de tempore non suspecto referant facta, inconsummationem comproban- tia; orator existimat spernendam prorsus esse Aloisii Dan- dier depositionem, qui postquam affirmaverat plene confidere in Mariae honorabilitate ac veracitate, protestatus tamen est, suam affirmationem de non sequuta consummatione ei non suificere ad credendum matrimonium non consummatum.

Nec veritati causae ab actrice propugnatae, iuxta advo- catum, officit pertinax eius viri Iosephi contumacia. Eius- modi contumacia, praeterquam quod in iure uti tacita con- fessio habetur, et S. C. C, constanti praxi, similibus in adiunctis dispensationem concessit, in praesenti luculenter impotentiam arguit. Si enim Ioseph impotens haud esset, et reapse matrimonium consummasset, non solum extraiudicia- liter asseruisset suam viripotentiam et matrimonii consum- mationem, sed coram Iudice et omnibus mediis possibilibus suas assertiones comprobavisset.

Quae hucusque dicta sunt circa inconsummationem ma- trimonii, irrefragabilem recipiunt confirmationem, prosequi- tur patronus, ex corporis oratricis examine, iuxta legis praescripta peracto. Doctores enim iurati autumant, partes genitales mulieris esse omnino integras, et matrimonium non fuisse consummatum.

Horum peritorum consentaneum iudicium, si opus esset, ro- boratur, iuxta advocatum, a Doctorum Le Bec et Ozanam testi- monio, qui antea extraiudicialiter Mariae corpus inspexerunt.