CAESENATEN. SEU RAVENNATEN. 461

non tantum amorem Octavio spopondisse, sed matrimonium ; cuius rei praeclarum inter alia documentum habemus ex eo quod Itala, ut datam Octavio fidem servaret, oblatam sibi aliam occasionem, et quidem non minus opportunam dimit- tere non dubitavit. Cur etiam paratam se esse profitetur ipsam parentum Octavii mortem, huic matrimonio adversan- tium, expectare?

Denique Sponsalium Defensor totis viribus refellere stu- det rationes ab advocato allatas favore scilicet Octavii.

Ac primo, quoad exhaeredationem a Pompeio Octavio comminatam, ut ipse apud Iudicem fassus est, in primis animadvertit advocatus, perpensa aliati testimonii natura, non magni habendum hoc esse, quippe agitur de patre fa- vore filii, imo sui testimonium perhibente, in quo facillime, ut quisque scit, collusioni locus esse potest. Notum autem est principium illud iuris « Nullus idoneus testis in re sua dignoscitur ». Nihilominus, hoc etiam admisso, quaeritur utrum parentum prohibitio tanti ponderis sit ut impune quis praestitam in sponsalibus fidem renuntiet. Eo vel magis quod, lege canonica, quamvis sit conveniens ut adsit quo- que consensus parentum, tamen sufficit solus consensus fi- liorum et filiarum. Praeterea scimus quod non quaecumque, sed iusta ad hoc requiritur ratio contradicendi scilicet in casu, et hoc expresse declaratur a S. C. C. in Mediolan. Sponsal. 13 Iulii 1725. Interim, advertit advocatus, tunc solum parentum dissensus ius alicui tribuit iuste a sponsa- libus recedendi, cum scilicet ex hoc notabilis adsit mutatio, et quidem superveniens sponsalibus iam initis. Atqui in casu nostro Octavius haud ignarus erat adversae parentum men- tis, et quidem ante quam ipse suam Italae sponderet fidem.

Neque decantatum hunc parentum dissensum tam fidenti animo in medium afferre Octavius poterat, utpote validis- simis argumentis, ut probare nititur, haud innixum. Equi- dem quid, quaeso, Pompeii intererat scire utrum Itala do- mesticis apta esset rebus nec ne, si vir cui uni iungenda erat, eam maxime ardebat desiderio ì Notum est omnibus