MONOBCEN.

463

D I S T R I B U T I O N U M

Die 12 Septembris 1896. P e r s u m m a r i a p r e c u m .

C O M P E N D I U M F A C T I . In Ecclesia Cathedrali Monoecensi, ad Cathedrae dignitatem evecta anno 1887, Capitulare sta- tutum singulis canonicis duos concedit vacationum menses continuos ; tertium vero mensem indulget interpolatis vicibus fruendum ; sed semper amissis distributionibus : en littera articuli in cap. II Statutorum § II : Spatio trium mensium liceat singulis canonicis quotannis abesse, animi relaxandi gratia, amissis distributionibus ; attento vero parvo numero Canonicorum nonnisi per duos menses continuos abesse pot- erunt, tertii vero 'mensis vacationibus interpolatis absentiis frui poterunt.

Sacerdos Ribour, huius Cathedralis canonicus in more habet, tres vacationum menses continuos transigere extra Dioecesim, quorum unum insumit consulendo, in Helvetia, suae valetudini per aquas thermales , alios vero destinat peregrinationibus per dissitas Europae regiones factis eo con- silio , ipse a i t , tum valetudinis recuperandae, tum animi relaxandi. Quare Canonicus negat, se distributiones amit- tere quia vacationes adhibet, praecipue non animi relaxandi causa, sed ratione valetudinis. Infirmitatem vero esse causam absentiae legitimam, arguit Canonicus, neminem latet.

Sed rem non ita intelligunt alii Capitulares qui autumant. Canonico Ribour applicandam esse praescriptionem citati articuli, primum, quia non tres menses, sed unum ad sum- mum, ei inservit ad valetudinem reparandam ; alii vero duo sunt ad solatium ; et secundo, quia ius Canonicum non con- cedit absenti ob infirmitatem beneficium lucrandi distribu- tiones, nisi aliunde diligens est et assuetus regulari servitio chori. Canonicus Ribour autem, instant Capitulares, solemne habet ut tres aestivos menses sibi vacuos assumat a servitio chori, interim in longinquis regionibus peregre agens.