466 MONOEGEN.

usque abstinendum putavimus, quatenus imposterum eumdem Statutis Capitularibus se conformaturum, eosque prouti ceteri faciunt exacte observatur um confidimus. Etiamsi igitur aliqua dubietas superesse posset, quod non credimus, de legitimitate iustitiaque deliberationis capitularis diei 16 Novembris 1892, adhuc tamen Canonicum Carolum Ribour amissioni distri- butionum pro diebus omnibus, quibus abfuit a Chori servitio, ultimis duobus annis, indubie obnoxium fuisse et esse decla- ramus ; eidemque obligationem incumbere edicimus deponendi penes Thesaurarium Capituli summam respondentem distri- butionibus amissis, iuxta computum ab eodem Thesaurario confectum ».

« Cui obligationi satis faciendae spatium triginta dierum a praesentis mandati notificatione, ipsi facienda assignamus; sub poena, in defectu aliorum mediorum coercitionis, sus- pensionis a celebratione Missae praefato temporis spatio inutiliter elapso incurrendae ».

« Praeterea sub eadem poena praecipimus eidem Canonico Carolo Ribour, ne imposterum vacationes sumat extra Dioe- cesim Nostram et Territorium vicinae Dioecesis Niciensis absque expressa nostra Licentia et ultra duos menses con- tinuos, prout in Constitutionibus Capitularibus praescribitur Cap. II, § VI ; quam praescriptionem in suo pleno vigore manere debere decernimus et ab omnibus observari iubemus. Datum Monoeci ex Nostra Episcopali residentia hac die 28 Martii anni millesimi octingentesimi nonagesimi quarti ».

Huic decreto Canonicus obtempera vit, sed anno 1895, suo mori indulgens, tres aestivos menses extra Dioecesim trans- egit, Episcopi venia non expetita, et nihilominus distribu- tiones amittere quotidianas recusavit. - Quare Episcopus ad S. C. C. recursum habuit, petens an suum decretum susti- neretur, idemque in canonicum urgere quoad annum delapsum et in futurum deberet.