466 EX S. C. CONCILII

quolibet triennio eligendis, et oblationes omnes in cultum S. Georgii erogentur.

Moneada vero et nonnulli alii canonici supernumerarii, seu extra Massam, contendunt, quod illae oblationes, quae a fidelibus fiunt in honorem S. Georgii, detractis pro festo expensis, cedi debeant in utilitatem et proprietatem perso- nalem singulorum canonicorum sive de Massa, sive super- numerariorum, ideoque quod etiam illarum administratio ad capitulum pertineat.

Patronus Praepositi Antonini Renda - nunc vero Anto- nini Turlà - ponit in primis quaestionem praeiudicialem, quae, iuxta ipsum, in re subiecta magni ponderis est. Con- tendit scilicet quod can. Moneada et socii repellendi sunt a iudicio; a) quia canonici sunt extra Massam seu supernu- merarii ; b) quia appellaverunt ad Curiam Metropolitanam contra decretum extraiudiciale Curiae Netensis ; c) demum, quia ad dirimendam litem ipsi in legitimam convenerunt transactionem.

Can. Moneada eiusque socii, iuxta patronum iuris nihil habent in hac quaestione, quia sunt canonici supernumerarii seu extra Massam. Neque actores proinde esse possunt hac in re, saltem absque Capituli consensu et mandato. Quae enim cedunt in bonum communitatis, ab ipsa communitate collegialiter sunt pertractanda. Hisce addatur quod, etiamsi bonorum Ecclesiae administratio, vi bullae Urbani VIII, ca- nonicis de Massa concessa fuerit, non sequitur quod concessa censeatur etiam canonicis extra Massam.

Sane S. C. C. semper probavit novos canonicos gaudere voce activa et passiva, ceterisque iuribus canonicorum, iu- giter tamen ea excepit, quae respiciunt interesse et iura par- ticularia veterum canonicorum, ut videre est speciatim in Veliterna 20 Decembris 1851 : proposito enim dubio: An et in quibus negociis canonici secundae erectionis ius habeant capitularibus sessionibus interessendi et gaudeant voce activa et passiva in casu, rescriptum fuit: affirmative in omnibus,