474 TAURINEN.

nem. Conc. Tridentinum in Sess. XXIV, Cap. i, de ref. matr. statuit impedimentum clandestinitatis dirimens matrimonium: quod tunc habetur, quum non constet, nuptias celebratas fuisse, praesentibus duobus vel tribus testibus, coram paro- cho proprio alterutrius sponsorum; vel ex delegatione pa- rochi proprii vel ordinarii. Parochus proprius intelligitur non quidem originis, sed veri et actualis domicilii, vel etiam quasi-domicilii; tantum qui carent domicilio aut quasi-domi- cilio possunt iure vagorum celebrare nuptias ubicumque sint: sed requiruntur nonnullae conditiones, Conc.Trid. Sess.XXIV, cap. 7', de ref. matr.

Domicilium autem, prosequitur orator, habetur « ubi quis inhabitat animi intentione eo loco perpetuo manendi », vel clarius domicilium est, « ubi aliquis larem rerumque ac for- tunarum summam constituit, unde non sit discessurus si nihil avocet, unde cum profectus est peregrinar! videtur, quo si rediit peregrinan 'iam destitit » L. 7, Cod. de Incoi. Locus vero domicilii iure canonico est paroecia. Tum iure Iustinianeo, tum iure canonico duo etiam simul haberi pos- sunt domicilia. Sánchez De matrim. III, 24, 3, S. Al- phon. VI, 1080. Ad quasi domicilium quod spectat, ipsum est locus, ubi quis incolat animo manendi per maiorem anni partem, De Angelis Praelectiones iuris Can. Lib. IV, tit. 3, de Clandestina despons., n. 4. Demum vagi audiunt, qui modo huc, modo illuc aberrant, quin stabilem habeant se- dem, absque animo in eodem loco manendi ad longum tempus.

Hisce praemissis, orator confidit facillime demonstrare posse, nuptias initas inter Agatoclem et Franciscam nulli- tate laborare ob clandestinitatis impedimentum. Non immo- ratur id demonstrando parochum, qui nuptias benedixit haud fuisse proprium viri; iste enim domicilium semper Nicaeae tenuit et Augustae Taurinorum venit, nuptias contrahendi causa tantum, uti meridiana luce ex actis apparet. Quod autem parochus Magnae Dei Genitricis Augustae Taurino- rum, nec proprius Franciscae sit, ex triplici capite colligit. Ipsa ut filia, familias sequebatur patris domicilium: cuius do-