476 EX S. G. CONCILII

que administrant. Cui si addatur a contrahentibus uti cor- respectivum nil datum, nil retentum, nil promissum fuisse, concipi nequit transactionis contractus. Igitur tum transactio respiceret ius colligendi atque administrandi oblationes a fi- delibus Patrono S. Georgio factas, ius nempe ad singulos Canonicos Ecclesiae Collegiatae pertinens, ab omnibus Ca- nonicis transactio ipsa approbari debuisset.

Sed Canonici non omnes praedictum transactionis con- tractum approbarunt; unde concludit patronus contractum ipsum nullitatis vitio laborare. Eo vel magis si animad- vertatur ipso contractu etiam successores obligatos fuisse, quin in re Apostolicum beneplacitum interfuerit. Cuius be- neplaciti defectum contractus nullitatem inferre compertum in iure est.

Tertio loco orator ostendit ius colligendi, administrandi ac destinandi eleemosynas, quae Patrono Sancto Georgio in Ecclesia Collegiata Mothucae a fidelibus tribuuntur, ad to- tum Capitulum ipsius Collegiatae pertinere.

Occurrit enim in primis sententia die 15 Maii 1894 a curia Netensi edita in iudicio inter Praepositum Renda et Moncada pendente, qua statutum fuit ius tum Ecclesiam Collegiatam S. Georgio dicatam, tum eius filiales Ecclesias administrandi non ad Praepositum Curatum tantum, sed ad ipsum una cum canonicis et dignitatibus Capituli illius Col- legiatae simul et capitulariter pertinere. Quae sententia, notat patronus, in rem iudicatam transivit, et quia contra ipsam a Praeposito Renda nulla interposita appellatio fuit, licet ei per apparitorem denunciata fuisset et quia eamdem partes exequutae fuerunt. Vi cuius reiiudicatae in patulo est , et ius eleemosynas Patrono S. Georgio a fidelibus ob- latas administrandi atque destinandi in toto Capitulo Eccle- siae Collegiatae manere debere, et adversarios quoad ius ipsum nec novum iudicium instituere, nec utiliter praesens prosequi amplius posse, ipsi enim repelluntur exceptione reiiudicatae.

Alterum argumentum quod Capituli iuri videtur fovere,