478 TAURINEN.

illud coelum experiretur, quin animum haberet ibi Agendi suam sedem; unde digressus nunquam illuc rediit, rediit vero Parisios et re versus est Niciam, ubi semper remanserant capsae nonnullae et musica bibliotheca.

Ceterum si aliquod dubium circa hanc quaestionem adhuc remaneret, tollitur peremtorie, inquit, gravissimo testimonio Curiae quae autumat notum esse Nicaeae quod T ibi constituerit suum quasi-domicilium ab anno 1859, ibique excepto aliquo itinere ad Parisios, moratus est usque ad an- num 1876, quo mortuus est.

Ad tertiam demonstrationis partem pertransiens patro- nus, pro viribus constare contendit nullam interfuisse dele- gationem, nec parochi Parisiensis, nec Niciensis in celebra- tione matrimonii facta Augustae Taurinorum a parocho Ec- clesiae magnae Dei Genitricis, qui non erat parochus pro- prius neutrius sponsorum. Nam S. Congregationi expostu- lanti, quibus innixi rationibus parochus et praesul illius temporis Franciscam et Agatoclem matrimonio coniunxerint, Rmus Archiepiscopus dedit hoc responsum : tum parochum, tum Vicarium generalem capitularem, ad matrimonium pro- cessisse, putantes quod contrahentes domicilium Taurini ha- berent. Ex quo liquet, iuxta oratorem, parochum egisse uti parochum proprium in celebratione huius matrimonii, et hoc ipso excluditur quaelibet suspicio delegationis datae a paro- chis domicilii vel Parisiensis aut villae Brimborion, vel quasi-domicilii Niciensis.

Haud denique, inquit, serio opponi potest a vinculi de- fensore, Franciscam habuisse Augustae Taurinorum domici- lium ex facto habitationis duorum circiter mensium et prae- sertim, quia in ipso actu celebrationis matrimonii coniuges testesque asseruerunt domicilium Taurinense. Etenim prin- cipium iuris canonici est, nec domicilium, nec quasi-domici- lium acquiri, si alicubi immoretur causa rusticationis ; ita Schmalzgrueber in tit . De clandestina despons., § 148, Cosci De separat, ti i o ri, lib. 1, cap. 14, n. 39, Tropper De im- ped. matr., § 583, Bened. XIV Inst. 33, n. 7, aliique plu-