480

VICENTINA

SOLUTIONIS

Die io Decembris 1900. Sess. 25 cap. 8 De ref.

COMPENDIUM FACTI. Sacerdos Carlotto die 23 Iunii 1887 in paroecia SS . Mariae et Vitalis-Monticuli Maioris-Vicen- tinae Dioecesis munus suscepit coadiutoris spiritualis ad cu- ram animarum, quam ibi exercebat Antonius Simionati Ar- chipresbyter. Idemque Carlotto, simul ac coadiutor, renun- tiatus est mansionarius vi fundationis cuiusdam Sacerdotis Rocchi Faccin, qui die 6 Iunii 1849, auctore Episcopo, ere- xerat beneficium Mansionariae ad nutum revocabile , ad- iecta obligatione missae quotidianae et curae animarum in officio coadiutoris. - Dos assignata fuit Libellar. Austr. circiter 9 5 6 .

Verum, quum anno 1887 Carlotto coadiutorem agere coepit, huiusmodi beneficium subiectum fuerat legibus assis ecclesiastici eversivis, a Gubernio Italico editis, eius tamen reditus ad summam libellarum Ital. 525 in versura publici aeris alieni regni italici (vulgo cartella del debito pubblico) addicti fuerant patrimonio Fabricae Ecclesiae parochialis. Interim ex rescripto S. Cong. Concilii in favorem Mansio- narii impertito, ista libellarum summa ita impendenda erat, ut diminuto Missarum onere, pro singula Missa die festo celebranda, eleemosyna tribueretur sex libellarum, reliquis erogatis in totidem Missas quotidianas, quot celebrari fas esset pro mensura taxae dioecesanae.

Quum Sacerdos Carlotto ab Archipresbytero Simionati munus acceptavit coadiutoris spiritualis, actum est, prouti res expostulabat, de mercede constituenda coadiutori, sed quamvis ei assignata fuisset mansionaria Faccin, tamen de huius reditibus et oneribus missarum, potissimum de im- petrato rescripto reductionis missarum, ne verbum quidem habitum fuit. Imo ex actis Curiae Vicentinae non certe