TAURINEN. 483

II. Qui domicilio vel quasi domicilio carent possunt ce- lebrare nuptias ubique fuerint, iure vagorum, praeviis tamen nonnullis conditionibus.

III. Domicilium haberi ubi quis inhabitat animi inten- tione, eo loco perpetuo manendi, et ubi larem, rerumque ac fortunarum summam constituit.

IV. Quasi domicilium haberi eo in loco ubi quis habitat animo ibi manendi per maiorem anni partem.

V. Vagos autem dici qui modo huc, modo illuc aber- rant , quin stabilem habeant sedem, absque animo in eodem loco manendi ad longum tempus.

VI. Nuptias in themate clandestinas dicendas esse vi- deri, quia parochus qui eisdem adstitit, et benedixit, non fuit proprius alterutrius sponsorum; qui neque vagi dici possunt eo quod unusquisque proprio et stabili frueretur do- micilio.

^ » • « 0 .

NEAPOLITANA

M A T R I M O N I I

Die 12 Septembris 1S96. Sess . 24, cap. 5, De ref. m a t r .

C O M P E N D I U M F A C T I . Eques Eduardus 38 annos natus, in suam sponsam accepit Adeliam eiusdem fere aetatis, cele- brans matrimonium iuxta Conc. Trid. ritum die 17 Iulii 1890 Neapoli.

Coniuges eadem nuptiarum die copulam carnalem experti sunt, sed, si eorum dictis standum erit, nequaquam in toto cohabitationis tempore, quae fere annum perduravit, matri- monium consummatum fuit.

Haud praetermisit Eduardus salutaris artis peritos con- sulere circa suam impotentiam cum Adelia, qui eidem plu- rima praescripserunt remedia, sed frustra ; etsi eodem tem- pore, uti ipse fatetur, absque difficultate potuerit copulam perficere aliis cum mulierculis.