486. De sancta Ursula.
Ad Nocturnum.

1. Plaude, turba virginea,
Virgineos legens flores,
Dego sub recta linea
Hos Ursulae sequens mores.

2. Proles de coelo genita
Ex patre rege nobili,
Ursula post regenita
Modo se rexit humili.

3. In eo el esti collegio
Cohabitans mente pura,
Cujus claro consortio
Jungitur regia cura.

4. Decus morum hanc ornavit
Ex fidei constantia,
Martyrii quam probavit
Perfecta tolerantia.

5. En, gratulemur igitur
Sanctis Christi praeconibus,
Per quas mundus devincitur
Suis cum infidelibus.

6. Jesu, lux vera saeculi,
Istarum per suffragium
Tui salvator populi,
Precamur, da subsidium.

7. Laus regi sit intermina
In beatis glorianti,
Quae beata per agmina
Est ubique dominanti.