NEAPOLITANA 4 9 1

sciplina animadverti eiusmodi testimonium septimae manus universim quidem requiri a S. C, sed numquam animadverti S. C. exigere adamussim septem ex una parte et septem ex alia, neque distinguere, ut interpretes faciunt, quando sit satis habere eos testes ex una tantum parte. Requirit uni- versim testimonium septimae manus, id est aliquem nume- rum sive propinquorum sive vicinorum, sive amicorum aliorumve, qui praesumuntur rem melius de qua agitur, cognoscere ».

Valde expediens habetur inspectio corporis mulieris in huiusmodi casibus, imo de iure necessaria, quoties scilicet allegatur eius virginalis integritas. Sed in causa de qua agimus, talis inspectio et inutilis et illicita foret, siquidem constat mulierem esse corruptam et filios generasse ex illi- cito commercio cum advocato Mosca, cum quo vivit civiliter tantum coniuncta. Abs re tamen erit non depositiones sponsae eiusque complicis advocati Mosca, circa hanc materiam pro- ducere. Mulier dixit : virginem sese repertam fuisse in prima unione carnali cum Mosca. Advocatus vero Mosca, cum quo mulier seu Adelia vivit, narrat quae de impotentia viri seu Eduardi audivit et quae de inutilitate tentaminis coitus ab ipso viro rescivit, nec non quomodo ex advocato factus est illegitimus coniux praefatae Adeliae ; et ad interrogationem circa conditionem in qua, in primo illicito coitu, illam in- venit, respondit : integram eandem mulierem reperisse, ad- stantibus omnibus virginitatis signis.

Nec me latet suspectas haberi depositiones sociorum in aliquo crimine, sed iuxta rectae rationis dictamen et doctri- nam canonistarum, haec suspicio sufficienter purgatur quando huiusmodi depositiones debitis adminiculis confirmantur. Ad quod aliqualiter valent quae de testibus infamibus commu- niter dicuntur, scilicet, quod admittuntur in variis casibus, et signanter in criminibus exceptis ; item quando veritas aliter haberi non potest ; et etiam quando rogati fuerunt ab utraque parte, quia tunc praesumitur eorum fides mutuo partium consensu approbata. Et si in cap. Litterae vestrae